MARKU 7:36 - Jinghpaw Common Language Bible 2009

³⁶ Dai hpang Yesu gaw, dai lam kadai hpe mung n tsun dan mu ga, masha ni hpe ginhtim da mu ai. Rai ti mung, je ginhtim magang je tsun hkai dan shajang ma ai.

Jinghpaw Hanson Version Bible

³⁶ Dai lam kadai hpe mung n tsun dan mu ga, shi shanhte hpe ginhtim da mu timung, shanhte hpe je ginhtim je shanang hkai dan shajang mu ai.

MARKU 7:36 ပူးပေါင်းရင်းမြစ်များ

MAHTE 8:4

Shaloi Yesu gaw, “Madat u! Ndai lam kadai hpe mung hkum tsun dan et, pru wa nhtawm na a hkum hkinjawng agyi wa hpe jep yu shangun u; dai hpang, nang san pra mat sai lam shanhte a man e sakse tai u ga, Mawshe hkang tawn da ai hkungga nawng ya u,” ngu shi hpe tsun wu ai.

MARKU 3:12

Yesu gaw, shi kadai rai nga ai ngu ai hpe kadai e mung n tsun shabrawng u ga, n seng ai nat ni hpe shi aja awa hkang da mu ai.

MARKU 5:43

Rai ti mung Yesu gaw, dai lam kadai hpe mung n tsun mu ga, aja awa ginhtim hkang da mu ai; dai hta kaga, “Ma hpe shahpa lama ma jaw mu,” nga nna shi htet da mu ai.

MARKU 7:35

Shaloi jang shi a na bai na lu nna, ga n mai shaga hkra shing dang da ai shinglet lakang hpyan mat nna yak ai lam hpa n nga ai sha ga shaga hpang lu nu ai.

MARKU 7:37

Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.

MARKU 8:26

Dai hpang Yesu gaw shi hpe, “Kahtawng de hkum nhtang shang et,” ngu nna hkang da ai hte nta de wa shangun dat wu ai.

MARKU 9:9

Ya dai bum de na yu hkrat wa ma yang, Yesu gaw, “Dai Masha Kasha si ai kaw na garai n rawt rawt gaw, nanhte mu ai hpe kadai hpe mung hkum hkai dan myit,” ngu nna shanhte hpe ginhtim hkang da mu ai.