MARKU 7:34 - Jinghpaw Common Language Bible 2009

³⁴ Dai hpang Yesu gaw lamu de mada yu let, aja wa nsa kaba shaw madai nna, dai masha wa hpe ‘‘Eph-hpa-hta,” ngu wu ai, dai gaw ‘‘Hpaw wa u!,” nga ai rai lu ai.

Jinghpaw Hanson Version Bible

³⁴ lamu de mada yu let, shi madai nna, dai wa hpe, “Ethpahta,” ngu wu ai: dai gaw, “Hpaw wa u,” nga ai, rai lu ai.

MARKU 7:34 ပူးပေါင်းရင်းမြစ်များ

PRU MAT 2:23

Shaning tsawmra mi na jang, Egutu hkawhkam si mat sai, rai ti mung Israela amyu masha ni chyawm gaw shanhte a mayam lit kata hta naw madai nga ai hte karum la na matu hkrap sharung nga ma ai. Shanhte a jahtau hkrap ai nsen gaw Karai Kasang hpang de hkrang lung wa nna,

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

MARKU 1:41

Yesu gaw matsan dum ai hte shi a lata ladawn nna ahtawk let, “Ngai hkraw nga nngai, san pra wa nu!,” ngu nna htan wu ai.

MARKU 15:34

Shana de hkying masum hta Yesu gaw, “Elo-i, Elo-i, lema sabakhtani?,” ngu nna jahtau wu ai. De a lachyum gaw, “Nye a Karai Wa e, Nye a Karai Wa e, hpa majaw nang ngai hpe kau da nga n ta?,” nga ai rai lu ai.

MARKU 5:41

Dai ma a lata hpe shi jum da nna, “Talitha, koum,” ngu wu ai. (De a lachyum gaw, “Mahkawn ma e rawt u, ngu nna ngai tsun de ai,” nga ai re.)

MARKU 6:41

Shaloi dai muk manga hte nga lahkawng hpe shi la nna lamu de mada yu let Karai Kasang kaw chyeju shakawn wu ai. Muk tawng ni hpe shi ahkyep alep nhtawm shawa masha ni hpe garan jaw na matu shi a sape ni e jaw da mu ai. Shi gaw dai nga lahkawng hpe mung shanhte yawng gu hkra garan jaw mu ai.

MARKU 7:35

Shaloi jang shi a na bai na lu nna, ga n mai shaga hkra shing dang da ai shinglet lakang hpyan mat nna yak ai lam hpa n nga ai sha ga shaga hpang lu nu ai.

MARKU 8:12

Rai ti mung Yesu gaw nsa kaba shaw madai let, “Ndai prat na masha ni gaw hpa rai lamik kumla langai mi hpyi ma ai kun? Ngai kaja wa teng teng tsun made ga! Ndai masha ni hpe dai zawn re ai lamik kumla hpa mung madun na mawe ai n rai!,” ngu mu ai.

LUKA 18:42

Yesu gaw, “Mu sanu! Na a kam sham ai gaw nang hpe shamai ya nit dai,” ngu nna shi hpe tsun wu ai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

LUKA 7:14

Dai hpang shi ani sha sit sa nna, dai da-u hpe ahtawk wu ai; hpai ai ni mung hkring tsap ya ma ai; shaloi shi gaw, “Shabrang e, ngai nang hpe tsun de ai, rawt u!” ngu wu ai.

YAWHAN 11:33

Mari gaw hkrap ngu hkrap ngoi rai nga ai hpe mung, shi kaw hkan nang ai Yuda masha ni hkrap ngu hkrap ngoi nga ma ai mung, Yesu mu wu yang, shi a myit masin hta nachying hkra ai hte myit n pyaw nga ai.

YAWHAN 11:35

Yesu hkrap ai.

YAWHAN 11:38

Dai majaw Yesu gaw, shi a kraw kata e bai yawn madai ai hte lup de sa du ai. Dai lup gaw lungpu hku rai nga ai rai nna, nlung tawng langai mi hte pat da ma ai.

YAWHAN 11:41

Dai rai nna shanhte gaw dai nlung hpe galau kau mu ai. shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

YAWHAN 11:43

Shing nga shi tsun ngut jang shi gaw, “Lazaru e, pru wa rit!,” ngu nna nsen kaba hte jahtau dat wu ai.

YAWHAN 17:1

Dai lam hpe Yesu tsun ngut jang, shi gaw lamu de mada yu nna, “Wa e, nye a ahkying du sali ai. Ngai nsha wa gaw na a hpung shingkang shapraw ya lu n ga, ngai nsha wa a hpung shingkang hpe mung shapraw ya e law.

KASA 9:34

Petru gaw dai wa hpe “Ainea e, Yesu Hkristu nang hpe shamai ya nit dai: rawt u, na a hpun panep lajang u,” ngu tsun wu ai shaloi jang shi rawt wa lu ai.

KASA 9:40

Petru chyawm gaw shanhte yawng hpe gawk kaw nna shapraw kau nhtawm hput di let kyu hpyi nga ai. Dai hpang dai mang maga de kayin nna, “Tabihta e rawt u!,” ngu wu ai. Tabihta mung myi hpaw nna Petru hpe mu jang, rawt dung nga ai.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.