MARKU 7:24 - Jinghpaw Common Language Bible 2009

²⁴ Shaloi dai yang na shi pru mat wa nna Turu mare makau lamu ga shara hkan du pru sa wa ai. Nta langai mi hta e shi shang nna, shi dai kaw nga ai lam marai langai ngai chye kau na shi n ra nga ai, rai ti mung shi makoi nga lu ai n rai.

Jinghpaw Hanson Version Bible

²⁴ Shaloi dai yang na shi rawt wa nna, Turu hte Sidun lamu ga jarit hkan e du hkra pru sa wa ai. Nta hta e shi shang nna, dai hpe kadai mung n chye lu u ga, shi ra nga timung, koi lu ai n rai.

MARKU 7:24 ပူးပေါင်းရင်းမြစ်များ

NINGPAWT NINGHPANG 10:15

Hkanan a shadang sha ni hta alat Sidon hte Het rai ma ai. Shan a amying hta hkan nna amyu bawsang ni a kaji kawa ni tai wa masai.

NINGPAWT NINGHPANG 10:19

Hkanan a lamu ga jarit ni rai nga ai Sidon mare kaw nna dingda maga Gerara hku hprang rai nna Gaza makau du hkra, bai sinpraw maga de Sodom, Gomora, Adma hte Zeboim mare ni hku hkrawn rai nna Lasha mare makau du hkra ran mat wa ma ai.

NINGPAWT NINGHPANG 49:13

“Zebulun gaw panglai makau e nga na ra ai. Shi a hka kau gaw sanghpaw li ni a matu daru tai na ra ai. Shi a lamu ga jarit mung Sidon du hkra maden na ra ai.

ESAIA 23:12

Sidon mare e, Na a kabu gara ai gaw htum mat nit dai, na a masha ni dip gamyet sha hkrum nga masai. Shanhte Kupru de hprawng lawt mat wa ai rai yang pyi, shanhte naw shim lum na mara ai n rai.

ESAIA 42:2

Shi jahtau na n rai, shi a nsen sharawt na n rai, nmaw lam ni hkan nsen ja ai hte tsun na n rai.

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

MAHTE 9:28

Yesu dai nta de shang mat wa yang, dai myi kyaw ai yan shi kaw sa du ma ai rai nna, Yesu gaw, “Ngai nan hpe shamai ya lu na re ngu nna nan kam nga myit ni?,” ngu nna shan hpe san mu ai. Shan mahtang, “Rai sa, Madu e,” ngu mu ai.

MARKU 2:1

Ya nhtoi tawng marang mi na wa ai hpang, Yesu gaw Kaperna-um mare de bai du wa ai. Shi nta e nga nga ai lam shiga masha ni na shajang ma ai.

MARKU 7:23

Ndai n hkru n kaja ai lam ni yawng gaw masha langai mi a kata na pru wa nna shi hpe awu asin di kau da wu ai,” ngu nna tsun mu ai.

MARKU 7:25

N seng ai nat kap ai shayi sha kaji lu ai numsha langai mi gaw, Yesu a lam na lu nna, shaloi jang shi kaw sa nhtawm, shi a lagaw nhpang e dingnyawm nga ai.

MARKU 7:31

Dai hpang Yesu gaw Turu buga jarit kaw nna pru wa yang, Sidon hpe mung, mare shi a lamu ga ngu ai Dekapoli ginwang ka-ang hku ga lai di sa wa nhtawm, Galile nawng de sa du ma ai.

1 TIMOHTI 5:25

Dai hte maren mai kaja ai amu bungli ni hpe asan sha mu lu nga ai; n dan n leng ai ni hpe pyi gaw makoi magap da lu ai n rai.