MARKU 7:22 - Jinghpaw Common Language Bible 2009

²² masha num shaw na, nammak lawhpa ai myit rawng na hte kaga n hkru n kaja ai lam amyu myu, masu hkalem ai, n shawp n kap re ai lam, n ju n dawng ai, shatan n hkan ai, gumrawng ai, myit n su ai lam ni hpe galaw shangun nga ai.

Jinghpaw Hanson Version Bible

²² hkalem ai, ngang ai, manawn masham ai, shatan nhkan ai, gumrawng ai hte angawk angak re ai myit, pru wa ai:

MARKU 7:22 ပူးပေါင်းရင်းမြစ်များ

2 HKAWHKAM LABAU 32:31

Babelon dat kasa ni dai lamu ga kata byin ai laklai mabyin masa hte seng ai hpe sa sagawn yu ai shaloi pyi shi a arawn alai chyam yu na nga, Karai Kasang gaw Hezekia hpe shi a lam hku sha sa shangun nga ai.

SHAKAWN KUNGDAWN 10:4

Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

SHAKAWN KUNGDAWN 119:36

Sut su ngamu ngamai wa na hta, na a tara ni hpe madat mara hkan sa na hpe grau ra sharawng ai myit ngai hpe jaw bang ya e.

GA SHAGAWP 12:23

Myit sam ai masha ni gaw shanhte chye ai lam ni hpe, ip da nga ma ai; angawk ai masha ni chyawm gaw shanhte a angawk angak lam hpe shabrawng nga ma ai.

GA SHAGAWP 22:15

Ma ni gaw shingra maka hte maren, shanhte n grin n grang ndum ndam sadi sahka n nga ai amu hpe galaw nga ma ai; shingna hte kayat sharin ai gaw shanhte hpe kaja ai arawn alai hta hkan sa shangun nga ai.

GA SHAGAWP 23:6

Maji ai masha wa a sha ku ntsa na lusha hpe hkum hta sha et; shi daw jau ai dwi sau mu mai ai lusha hpe hkum marin nga et.

GA SHAGAWP 24:9

Angawk ai wa a myit shapraw dat ai maw mawn lam hpa rai tim, yubak hte seng ai lam rai nga ai. Kaga masha ni hpe jahpoi jahpyak chye ai hta jan nna hpa n lu ai wa hpe masha ni n dawng nga ma ai.

GA SHAGAWP 27:22

Angawk ai wa hpe si na daram nang gayat tim shi a angawk ai myit hpe nang gayat shapraw kau ya lu nga ai n rai.

GA SHAGAWP 28:22

Myit htingkup ai ni gaw sut su wa na matu, tin tin hkan shachyut nga ma ai majaw, matsan mayan ai lam du wa ai hpe, shanhte n chye nga ma ai.

HPAJI NINGLI 7:25

Rai ti mung ngai nan chyawm gaw hpaji machye machyang hte sharin achyin ai hta myit jung nga nngai, hpaji byeng-ya tam ai hta mung, nye a ga san ni hpe htai na lam hta mung, tara n lang ai hte myit n su ai gaw kade sha angawk angak re ai amu ni hpe sharin la na matu mung, ngai myit daw dan da nngai.

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

MAHTE 20:15

Ngai madu ai gumhpraw hpe ngai di mayu ai hte maren di lu na ahkang nga ai n rai ni? Ngai myit mai ai majaw nang manawn nga nni?,’” ngu nna htan wu ai.

MAHTE 6:23

Rai ti mung na a myi n kaja nga yang gaw, na a hkum ting nsin sin nga na ra ai. Dai rai nna nang hta rawng ai nhtoi nsin tai mat yang gaw, dai nsin gaw gade htat nga a hka!

MARKU 7:21

Hpa majaw nga yang, masha a myit kata de nna n kaja ai myit mang ai lam ni pru wa nna, dai gaw shi hpe n hkru n kaja ai arawn alai lam ni hkan sa galaw na, masha arai lagu na, masha sat na,

MARKU 7:23

Ndai n hkru n kaja ai lam ni yawng gaw masha langai mi a kata na pru wa nna shi hpe awu asin di kau da wu ai,” ngu nna tsun mu ai.

2 KORINHTU 10:5

Anhte gaw Karai Kasang hpe chye chyang ai hpaji hpe dingbai dingna jaw ai amu yawng hpe run hpya jahten kau ga ai. Anhte gaw masha myit mang ai lam nga manga hpe rim sharen da nhtawm Hkristu a ga madat mara shangun ga ai.

TARA JAHPRANG 15:9

Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

TARA JAHPRANG 28:54

Dai zawn wang shinggrup da hkrum ai aten e, nanhte hta nachying sumnung shingdi ai wa pyi myit chyum myit htum hkrum nna lusha kadawn mat ai a majaw shi a kasha majing ni hpe pyi sha kau na wu ai. Shi tsaw ra ai kahpu kanau, madu jan hte naw ngam nga ai kasha ni hpe pyi kam jaw sha na wu ai n rai.

TARA JAHPRANG 28:56

Grai sut su nna arawng kaba hte hkik hkam ai hku shangai wa nhtawm, ga hta galoi mung n kabye hkawm yu ai dai nachying sumnung shingdi ai numsha pyi, dai hte maren galaw na ra ai. Gumlau hpyen ni mare wang shinggrup da ai shaloi dai numsha gaw myit chyum myit htum hkrum nna lusha kadawn mat ai a majaw tinang shangai ai ma chyangai hte hkritung na ma manang hpe pyi shi hkrai lagyim sha na rai wu ai. Shi tsaw ra ai madu wa hte shi a shayi shadang sha ni hpe pyi gambum karan jaw na wu ai n rai.

1 PETRU 2:15

Hpa majaw nga yang, nanhte galaw ai mai kaja ai amu ni a marang e machye machyang n rawng ai angawk angak nga nna shaga ai masha ni a ga hpe nanhte shazim kau mu ga, Karai Kasang ra sharawng nga ai.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.