MARKU 7:20 - Jinghpaw Common Language Bible 2009

²⁰ Bai matut nna Yesu gaw, “Masha a hkum kata kaw nna pru wa ai arai mahtang, masha hpe awu asin di kau nga ai.

Jinghpaw Hanson Version Bible

²⁰ Bai lam mi gaw, Masha hta na pru wa ai gaw, masha hpe awu asin di kau wu ai:

MARKU 7:20 ပူးပေါင်းရင်းမြစ်များ

SHAKAWN KUNGDAWN 41:6

Ngai kaw sa chyai ai ni gaw myit kaja ai hte n sa ma ai; shanhte gaw nye a lam hte seng ai n kaja ai shiga hpe mahkawng shinggyin nna shara shagu de dai lam hpe tsun shabra ma ai.

MIHKA 2:1

Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.

MAHTE 15:18

Rai ti mung, n-gup hta na pru wa ai arai ni mahtang gaw myit masin hta na byin pru wa ai rai nna, dai hte gaw masha hpe awu asin di kau wu ai.

MAHTE 4:4

Rai ti mung Yesu gaw, “Masha gaw muk hte sha hkrung nga lu na n rai, Karai Kasang a n-gup hta na pru ai mungga nlang hte hte hkrung nga lu na ra ai, nga nna chyum laika hta tsun nga ai,” ngu nna htan wu ai.

MARKU 7:15

Masha a shinggan maga de nna shi a kata de shang wa nhtawm masha hte nawku htung tara hku nna n san n seng awu asin di kau lu ai arai hpa mung n nga ai.”

MARKU 7:21

Hpa majaw nga yang, masha a myit kata de nna n kaja ai myit mang ai lam ni pru wa nna, dai gaw shi hpe n hkru n kaja ai arawn alai lam ni hkan sa galaw na, masha arai lagu na, masha sat na,

MARKU 7:23

Ndai n hkru n kaja ai lam ni yawng gaw masha langai mi a kata na pru wa nna shi hpe awu asin di kau da wu ai,” ngu nna tsun mu ai.

HEBRE 7:6

Melhkizedek gaw Lewi amyu hta na n rai ti mung Abraham kaw na htam shi hta na htam mi hkam la nna Karai Kasang kaw na ga ndat lu la tawn ai Abraham hpe shaman ya wu ai.

YAKU 3:6

Dai shinglet mung wan hte bung nga ai. Shinglet gaw anhte a hkum hkrang daw shan hta na n hkru n shawp ai mungkan rai nna hkum hkrang ting hta dai n hkru ai hpe chyam bra wa shangun nga ai. Shinglet gaw ngarai wan hte nan anhte a asak hkrung lam ting hpe shachyi dat nga ai.

YAKU 4:1

Nanhte hta e gasat gala ai lam ni hte ga li ga law re ai lam ni kanang na du sa wa sata? Dai ni gaw nanhte kata hta tut nawng gasat gala nga ai pyaw daw kadaw ai lam a majaw nanhte a ra kasit nga ai lam ni kaw nna pru wa ai r ai nga ai.