MARKU 7:18 - Jinghpaw Common Language Bible 2009

¹⁸ Yesu gaw shanhte hpe, “Nanhte gaw masha kaga ni hta jan nna machye machyang loi mi pyi n rawng nga myit ni! Shinggan de nna masha langai mi a kata de shang wa ai hpa rai ti mung masha hpe kaja wa awu asin, di kau lu ai n rai.

Jinghpaw Hanson Version Bible

¹⁸ Dai rai nna, shi shanhte hpe, “Dai hpe sha mung nanhte n chye na la myit ni? Shinggan de nna masha kata de shang wa ai hpa rai timung, masha hpe awu asin di kau lu ai n rai, nanhte n dum lu myit ni?

MARKU 7:18 ပူးပေါင်းရင်းမြစ်များ

MAHTE 15:11

N-gup de shang wa ai arai gaw, masha hpe awu asin di kau lu ai n rai, dai n-gup hta na pru ai mahtang gaw, masha hpe awu asin di kau nga ai,” ngu mu ai.

MAHTE 16:11

Muk a lam ngai nanhte hpe n tsun nga nngai gaw, nanhte hpa rai n dum nga myit ta? Hparishe ni hte Saduke ni a matsi hpe nanhte dai koi gam nga mu! ngu nna she ngai tsun made ai,” ngu mu ai.

MARKU 4:13

Dai hpang Yesu gaw, “Ndai ga shadawn hpe nanhte n chye na myit ni? Dai hku rai yang gara ga shadawn hpe nanhte chye na lu na rai ni?

MARKU 7:17

Yesu gaw shawa masha ni hte hka nna nta de shang wa yang shi a sape ni, dai ga shadawn lachyum hpa re ai lam san ma ai,

MARKU 7:19

Hpa majaw nga yang, dai gaw shi a myit masin kata de shang wa ai n rai shi a kan kata de shang wa ai hte hkum tsan ai shara de bai pru wa ai,” ngu nna tsun mu ai. (Ndai lam ning nga nna tsun ai hte, Yesu gaw, shat shatmai amyu yawng hpe mai sha nga ai,) ngu nna tsun ndau ai lam rai nga ai.

LUKA 24:25

Dai shaloi Yesu gaw, “Myihtoi ni htawn tsun ai ga mahkra hpe kam sham na matu myit bawnu lanyan dik ai masha angawk ni e!

YAWHAN 3:10

Yesu gaw, “Nang gaw Israela masha ni hta sara kaba langai wa mi ting rai da nhtawm, ndai lam nang n chye n ni?

1 KORINHTU 3:2

Nanhte ya e rin mani yak ai lusha garai n lu sha myit dai majaw, ja ai lusha n re ai sha, chyu dwi hkrai sha ngai nanhte hpe gawn jaw made ai. Ya e pyi nanhte garai n rin lu myit dai.

HEBRE 5:11

Ndai lam hte seng nna anhte tsun shara law law lu ga ai, rai ti mung nanhte gaw alawan n chye na hkraw ai ni rai myit dai majaw, nanhte hpe sanglang dan na yak la nga ai.