MARKU 6:52 - Jinghpaw Common Language Bible 2009

⁵² Hpa majaw nga yang, dai masha hkying manga hpe muk daw jaw ai lam a lachyum majing hpe shanhte n chye na nga ma ai hte shanhte a machye machyang gaw dai hpe chye na na atsam n nga malu ai.

Jinghpaw Hanson Version Bible

⁵² kaning rai nme law, dai muk sha ai lam shanhte n chye na ma ai hte, shanhte a myit ja mat malu ai.

MARKU 6:52 ပူးပေါင်းရင်းမြစ်များ

ESAIA 63:17

Anhte hpe na a lam ni kaw na hpa majaw shayit kau nga n ta? Anhte nang kaw na kayin mat wa hkra, anhte hpe hpa majaw du shaja ya nga n ta? Nang hpe daw jau nga ai ni a matu, na a matu tut nawng rai nga ai amyu masha ni a matu, bai wa rit.

MARKU 16:14

Yawng a hpang jahtum e Yesu gaw sape shi langai hte hpe shanhte shat sha nga ma yang shadan dan mu ai. Shi si ai kaw na bai hkrung rawt wa sai lam mu lu ai ni a ga hpe nan n kam ma ai hte myit ja nga ma ai majaw shanhte hpe daru kau wu ai.

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

MARKU 7:18

Yesu gaw shanhte hpe, “Nanhte gaw masha kaga ni hta jan nna machye machyang loi mi pyi n rawng nga myit ni! Shinggan de nna masha langai mi a kata de shang wa ai hpa rai ti mung masha hpe kaja wa awu asin, di kau lu ai n rai.

LUKA 24:25

Dai shaloi Yesu gaw, “Myihtoi ni htawn tsun ai ga mahkra hpe kam sham na matu myit bawnu lanyan dik ai masha angawk ni e!

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

ROMA 11:7

Dai rai yang gaw kaning ngu tsun na rai ta? Israela amyu masha ni gaw tinang tam ai hpe n mu ma ai lam dan leng nga ai. Karai Kasang e lata la hkrum ai ni nkau mi sha mu lu ma ai, ngam ai ni gaw Karai Kasang a saw shaga ai nsen hpe n na ma ai.