MARKU 6:41 - Jinghpaw Common Language Bible 2009

⁴¹ Shaloi dai muk manga hte nga lahkawng hpe shi la nna lamu de mada yu let Karai Kasang kaw chyeju shakawn wu ai. Muk tawng ni hpe shi ahkyep alep nhtawm shawa masha ni hpe garan jaw na matu shi a sape ni e jaw da mu ai. Shi gaw dai nga lahkawng hpe mung shanhte yawng gu hkra garan jaw mu ai.

Jinghpaw Hanson Version Bible

⁴¹ Shaloi dai muk manga hte nga lahkawng hpe shi la nna, lamu de mada yu let shaman ya nhtawm, dai muk hpe ahkyep alep nna, masha ni a man e hkan tawn mu ga, sape ni hpe jaw da mu ai; dai nga lahkawng hpe mung, masha gu hkra hpe karan jaw mu ai.

MARKU 6:41 ပူးပေါင်းရင်းမြစ်များ

MAHTE 14:19

Shawa masha ni tsingdu pa e hkrawn taw nga mu ga shi hkang da wu ai; shaloi dai muk manga hte nga lahkawng hpe shi la nna, lamu de mada yu let, Karai Kasang kaw chyeju shakawn nhtawm ahkyep alep di nna sape ni hpe jaw dat wu ai: sape ni mung shawa masha ni hpe gam jaw ma ai.

MAHTE 15:36

Dai hpang dai muk sanit hte nga ni hpe shi la nna, Karai Kasang kaw chyeju shakawn ngut jang ahkyep alep di nhtawm sape ni hpe jaw mu ai: sape ni mahtang shawa masha ni hpe gam jaw mu ai.

MAHTE 26:26

Ya shana shat sha nga ma yang, muk langai mi la nna shaman ya nhtawm ahkyep alep di nna sape ni hpe jaw let, “La sha mu, ndai gaw nye a hkum rai nga li ai,” ngu mu ai.

MARKU 14:22

Shanhte sha nga ma yang Yesu gaw muk la nna Karai Kasang a chyeju hpe shakawn let akyu hpyi nhtawm, ahkyep alep nna sape ni hpe jaw let, “Ndai la sha mu, ndai muk gaw nye a hkum rai nga li ai,” ngu nna tsun mu ai.

MARKU 6:40

Shing rai masha ni gaw latsa tsa hte manga shi shi di nna yan mi hte yan mi dung nga ma ai.

MARKU 6:42

Masha shagu sha nna hkru kat ma ai.

MARKU 7:34

Dai hpang Yesu gaw lamu de mada yu let, aja wa nsa kaba shaw madai nna, dai masha wa hpe ‘‘Eph-hpa-hta,” ngu wu ai, dai gaw ‘‘Hpaw wa u!,” nga ai rai lu ai.

MARKU 8:19

Dai muk tawng manga hpe sha ngai ahkyep alep nna ngai daw jaw ai hpe nanhte n dum myit ni? Dai shaloi sha ngam ai adaw ahkyep ni ka gade hpring hkra nanhte lahkawn la lu myit ta?,” ngu nna san mu ai. Shanhte gaw, “Ka shi lahkawng re,” ngu nna htan mu ai.

LUKA 24:30

Shi gaw shan hte rau shat sha na dung nga yang, muk la nna shaman nhtawm, ahkyep alep di ngut jang, shan hpe jaw mu ai.

LUKA 9:16

Shaloi shi gaw, dai muk tawng manga hte nga lahkawng hpe la nna, lamu de mada yu let, shanhte a matu Karai Kasang kaw chyeju shakawn akyu hpyi shaman nhtawm, ahkyep alep di nna, shawa masha ni hpe hkan garan jaw na matu shi a sape ni hpe jaw da wu ai.

YAWHAN 11:41

Dai rai nna shanhte gaw dai nlung hpe galau kau mu ai. shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

YAWHAN 17:1

Dai lam hpe Yesu tsun ngut jang, shi gaw lamu de mada yu nna, “Wa e, nye a ahkying du sali ai. Ngai nsha wa gaw na a hpung shingkang shapraw ya lu n ga, ngai nsha wa a hpung shingkang hpe mung shapraw ya e law.

YAWHAN 6:11

Shaloi Yesu gaw dai muk tawng ni hpe la nna Karai Kasang kaw chyeju shakawn nhtawm, dung nga ai ni hpe karan jaw mu ai; dai hte maren nga hpe mung shanhte ra ai made karan jaw mu ai.

YAWHAN 6:23

Rai ti mung Tiberi Mare na sa ai li ni gaw Yesu Karai Kasang a chyeju hpe shakawn nna shawa masha ni hpe muk daw jaw ai shara de du sa wa ma ai.

KASA 27:35

Shing nga tsun ngut jang, Pawlu gaw muk nkau mi hpe la nna shanhte mahkra a man e Karai Kasang a chyeju hpe shakawn let, ahkyep alep nhtawm woi sha mu ai.

ROMA 14:6

Nhtoi langai hpe shareng ai wa kadai mung dai Madu a hpung shingkang hpe shakawn shagrau na matu galaw nga ai. Hpa baw sha hpa hpe rai tim sha ai wa mung dai Karai Kasang a hpung shingkang hpe shagrau sha-a na matu sha ai rai nga ai, hpa majaw nga yang shi gaw dai Karai Kasang a chyeju hpe shakawn kungdawn let sha nga ai. Lusha nkau mi hpe koi gam ai wa mung, Madu a hpung shingkang hpe shakawn shagrau na matu koi gam ai rai nga ai. Shi mung shing rai koi gam ai majaw Karai Kasang a chyeju hpe shakawn kungdawn nga ai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

TARA JAHPRANG 8:10

Nanhte sha mayu ai lusha yawng lu la na rai nna, dai Madu nanhte a Karai Kasang nanhte hpe jaw ya nu ai dai ga sau hte hpring nna ningru ningja ai lamu ga a majaw shi hpe chyeju dum na rai myit dai.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.