MARKU 6:34 - Jinghpaw Common Language Bible 2009

³⁴ Yesu li kaw na pru lung wa yang, masha wunawng kaba hpe shi mu mada wu ai shaloi shanhte gaw sagu rem ai wa n lawm ai sagu ni zawn rai nga ma ai majaw shi a myit masin hta shanhte hpe matsan dum ai myit hte hpring nga lu ai; dai rai nna shi shanhte hpe lam law law sharin shaga hpang wu ai.

Jinghpaw Hanson Version Bible

³⁴ Shing rai shi pru nna masha wunawng kaba mu mada ai hte shanhte gaw rem ai wa n nang ai sagu hpung hte bung nga ma ai majaw, shi shanhte hpe matsan dum nna, law law wa sharin shaga ya mu ai.

MARKU 6:34 ပူးပေါင်းရင်းမြစ်များ

1 HKAWHKAM 22:17

Mihkaia gaw, “Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai Madu gaw, “Ndai masha ni ningbaw n lu ma ai; tinang nang a nta de ngwi ngwi pyaw pyaw hte wa kau shangun mu,’” ngu tsun wu ai, nga nna htan wu ai.

2 HKAWHKAM LABAU 18:16

Mihkaia gaw, “Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai rai nna dai Madu gaw, ‘Ndai masha ni ningbaw n lu ma ai; tinang nang a nta de ngwi pyaw sim sa ai hte wa kau shangun mu,’” ngu tsun wu ai.

ESAIA 13:14

“Babelon mung hta nga nga ai maigan masha ni gaw jaugawng ni a lata na hprawng lawt wa ai shannga hte sagu rem n nga ai sagu ni zawn tinang a buga ni de hprawng bra mat wa na mara ai.

YEREMIA 50:6

“Nye a amyu masha ni gaw sagu rem ai ni shanhte a sagu ni hpe bum ga hkan dat shadam kau ai ni zawn rai nga masai. Sagu ni gaw shanhte a sagu lawng ni hpe malap kau nna bum shara mi kaw nna shara mi de kahkrang nga ma ai zawn, shanhte mung kahkrang jawt hkawm nga masai.

EZEKELA 34:5

Sagu rem n nga ai majaw, shanhte bra ayai mat nga yang, nam na matse labye ni e kawa sat ai hte sha kau ma ai.

ZEHKARIA 10:2

Amyu masha ni chyawm gaw hpara sumla ni hte shaba wawt ai ni hte ga shaga ma ai; rai ti mung, shanhte lu la ai mahtai ni gaw masu magaw ga ni hte ga laban ni hkrai rai nga ai. Nkau mi mahtang yup mang htai ma ai; rai ti mung dai gaw nanhte hpe lam shadam kau nga ai; shanhte jaw ai shalan shabran ga mung kaman lila rai nga ai. Dai rai nna amyu masha ni gaw mat mat ai sagu ni zawn, lam dam nga ma ai. Shanhte gaw ningbaw n lu ma ai majaw ru yak tsin-yam tsindam hkrum nga ma ai.

BU HKAWM 27:17

shanhte hpe majan gasat yang woi hkang lu ai masha langai mi san da ya u law; shaloi na a shawa hpung gaw rem ai wa n nga ai sagu zawn n rai mat mu ga,” ngu nna hpyi tsun wu ai.

MAHTE 14:14

Li hta na pru wa yang, masha wunawng wuwa kaba hpe mu hkrup nna, shanhte hpe matsan dum ai hte machyi makaw hkrum ai ni hpe shamai shatsai ya mu ai.

MAHTE 15:32

Shaloi Yesu gaw shi a sape ni hpe shaga la nna, “Ndai masha hpung ni hpe ngai matsan dum nga nngai: Ya masum ya tup shanhte ngai hte rau nga nga masai rai nna, shahpa mung n nga ma salu ai; lam hkan e hku gwi n hkrum mu ga, kawsi nga ma yang, ngai shanhte hpe n shabawn dat mayu nngai,” ngu mu ai.

MAHTE 9:36

Dai shawa hpawng ni hpe shi mu jang, shi shanhte hpe matsan dum da mu ai; hpa majaw nga yang, shanhte gaw sagu rem wa n nga ai majaw ru tsang hkrum ai hte bra mat wa ai sagu ni hte bung nga ma ai.

MARKU 6:33

Rai ti mung shanhte pru sa mat wa ai hpe masha law law mu mada dat nna shanhte kadai ni re ai hpe kalang ta chye yu mu ai majaw; mare shagu hkan na ni hkarang lam hku shawng de gat lai sa wa nna Yesu hte sape ni a shawng e dai shara de du ma ai.

MARKU 6:35

Ya jan du wa magang sayang, sape ni Madu kaw sit sa nna, “Ya jan grai du mat wa sai, ndai yang masha n nga ai nam mali shara mung rai nga ai.

MARKU 8:1

Dai hpang gade nna yang masha wunawng kaba mi bai sa du zuphpawng nga ma ai. Shanhte hta shahpa, hpa mung n lu mat ma ai shaloi, Yesu gaw shi a sape ni hpe shi hpang de shaga la nna,

MARKU 8:2

“Ndai masha ni masum ya tup ngai hte rau nga nga ma ai rai nna, ya sha na hpa mung n lu ma ai majaw, ndai masha ni a matu ngai grai matsan dum la nngai.

LUKA 9:11

Shawa masha ni mung dai hpe hkan chye jang, shi hpang de hkan sa ma ai rai nna, shanhte hpe hkap la nhtawm, Karai Kasang a Mungdan lam hkaw dan let machyi mai mayu ai ni hpe shamai ya mu ai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.