MARKU 6:31 - Jinghpaw Common Language Bible 2009

³¹ Shawa masha ni law law sa sa wa wa rai nga ma ai majaw Yesu hte shi a sape ni shat sha na aten pyi n lu da mu ai. Dai rai nna shi gaw shanhte hpe, “Anhte nan shim ai shara langai ngai de pru wa saga, dai yang e anhte hkrai rai na rai nna nanhte loi mi hkring sa la lu na rai nga ai,” ngu nna tsun mu ai.

Jinghpaw Hanson Version Bible

³¹ Dai rai nna shi gaw, “Nam mali kata na machyi shim ai shara de, nanhte hkrai nan sa nna, loi mi ban sa la mu,” ngu nna shanhte hpe tsun mu ai. Kaning rai nme law, sa sa wa wa rai nga ai ni gaw law la ma ai rai nna, shanhte gaw shat sha na aten pyi n mu da mu ai.

MARKU 6:31 ပူးပေါင်းရင်းမြစ်များ

MAHTE 14:13

Yesu gaw Yawhan a lam shiga na jang, li jawn let dai yang kaw na pru mat wa nhtawm, shingran katsi ai shara de lagyim sa mat wa ai. Shawa masha ni dai na mu yang, shanhte gaw tinang a mare ni kaw na pru nna shi a hpang de hkarang hku hkan nang ma ai.

MARKU 1:45

Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

MARKU 3:20

Dai hpang Yesu gaw nta de wa ai. Shawa masha wunawng kaba langai mi bai sa zuphpawng nga ma ai majaw Yesu hte sape ni shat sha na aten pyi n lu da mu ai.

MARKU 3:7

Yesu hte shi a sape ni Galile de htawt mat wa ma ai: Galile mung hte Yuda mung na masha wunawng kaba langai mi mung shi kaw hkan nang ma ai;

YAWHAN 6:1

Dai hpang Yesu gaw Tiberi ngu ai Galile nawng wora hkran de rap sa wa ai.