MARKU 6:3 - Jinghpaw Common Language Bible 2009

³ Shi gaw Mari a kasha laksama wa rai nga ai hte Yaku, Yosep, Yuda, Simun ni a kahpu shi rai nga ai n rai ni? Shi a kajan ni mung anhte hte rau nang e nga nga ma ai n rai ni?,” nga nna san ma ai. Shing rai shanhte shi a lam myit kataw nna shi hpe n hkap la ma ai.

Jinghpaw Hanson Version Bible

³ Shi gaw, dai lasama wa rai nga ai, n rai ni? Mari a kasha shi rai nga ai hte, Yaku, Yawsep, Yuda, Simun hte a kahpu mung, shi rai nga ai, n rai ni? Shi a kajan ni mung, anhte hte rau, nang e nga nga ma ai, n rai ni?” nga wa ma ai rai nna, shi a lam myit kataw wa ma ai.

MARKU 6:3 ပူးပေါင်းရင်းမြစ်များ

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

MAHTE 11:6

Ngai hta myit kataw ai lam n mu ai wa kadai mung, a lu nga ai,” ngu mu ai.

MAHTE 12:46

Shawa masha ni hpe Yesu ga naw shaga nga yang, shi a kanu hte kanau ni gaw, shi hte ga tsun na nga nna shinggan e la tsap nga ma ai.

MARKU 15:40

Dai kaw numsha nkau mi mung tsan tsan kaw nna yu nga ma ai. Shanhte hta, Magdala Mari, Yaku kaji yan Yosep a kanu Mari hte Salome ni lawm nga ma ai.

MARKU 3:18

bai Andre, Hpilip, Barhtolume, Mahte, Htawma, Alhpe a kasha Yaku, Htade, Kanani masha Simun hte,

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

LUKA 7:23

Ngai hta myit kataw ai lam n mu ai ni kadai mung a lu nga ai,” ngu nna tsun mu ai.

LUKA 8:20

Dai shaloi masha marai langai mi gaw Yesu hpe, “Na nnu hte nnau ni nang hpe hkrum mayu nna shinggan e tsap nga ma ai,” ngu nna tsun wu ai.

YAWHAN 14:22

(Yuda Iskarut n re ai) kaga Yuda gaw, “Madu e, mungkan ga hpe na a hkum n shadan dan ai sha gara hku nna anhte hpe na a hkum shadan dan lu na a ta?,” ngu nna san wu ai.

YAWHAN 6:42

Dai rai nna shanhte gaw, “Ndai wa gaw Yosep a kasha Yesu n rai nga a ni? Shi a kanu yan kawa hpe anhte chye gaw ai n rai ni? Dai re ai mi, ya shi, ‘Ngai gaw sumsing lamu de nna yu wa nngai,’ nga nna kaning rai tsun lu a ta?,” nga ma ai.

KASA 1:13

Sape ni gaw mare de shang nna shanhte manam ai nta ntsa gawk de shang nna nga nga ma ai. Dai ni gaw, Petru, Yawhan, Yaku, Andre, Hpilip, Htawma, Barhtolume hte Mahte, Alhpe a kasha Yaku, Zelutu ngu ai Simun hte Yaku a kasha Yuda hte rai ma ai.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 9:4

Ngai galaw ai amu a matu ngai hta, sha lu na, lu lu na ahkang n nga a ni?

GALATI 1:19

Dai Madu a kanau Yaku hta kaga kasa gale kadai hpe mung ngai n mu nngai.

1 PETRU 2:4

Dai Madu hpang de sa wa marit, shi gaw masha ni e akyu n rawng ai ngu nna lata kau ai ahkrung nga ai nlung rai nga ai; rai ti mung Karai Kasang e lata la ai hpu ging ai nlung tai wa sai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.