MARKU 6:26 - Jinghpaw Common Language Bible 2009

²⁶ Hkawhkam wa chyawm gaw, ja ja myit yawn nga timung, rau dung rau hpawng nga ai manam ni a man e shi dagam tsun kau ai ga ni a majaw numsha hpe shi n ningdang kau lu wu ai.

Jinghpaw Hanson Version Bible

²⁶ Dai hkawhkam chyawm gaw ja ja myit yawn nga timung, dai dagam kau ai ga hte, rau dung rau hpawng nga ai ni a majaw, shi hpe ndang kau mayu ai n rai.

MARKU 6:26 ပူးပေါင်းရင်းမြစ်များ

2 SAMUELA 14:21

Dai hpang hkawhkam wa gaw Yoab hpe, “Nang ra ai hku galaw na matu ngai daw dan da se ai. Dai shabrang wa Absalom hpe sa shaga la nna ndai de woi wa mi,” ngu nna tsun wu ai.

Daniela 6:14

Hkawhkam wa dai ga na jang, grai myit n pyaw mat ai hte Daniela hpe hkye mawai la na matu kaja htum ai lam tam galaw yu wu ai. Shi gaw jan shang wa ai aten du hkra ginjang tam shakut nga ai.

MAHTE 14:9

Dai shaloi Hkawhkam wa gaw, yawn la ti mung, manam shawa ni yawng a man e, shi jaw kau sai ga sadi a majaw, “Jaw sana,” ngu dat wu ai.

MARKU 6:25

Shaloi jang dai numsha gaw, hkawhkam wa hpang de tin tin shang nna, “Hkalup Sara Yawhan a baw hpe ban hta e bang nna nang ngai hpe ya jang jaw na, ngai ra nga nngai!,” ngu nna hpyi wu ai.

MARKU 6:27

Dai re ai majaw hkawhkam wa gaw, sin nga ai hpyen la langai mi hpe kalang ta shangun dat nna, Yawhan a baw hpe la sa na hkang dat wu ai.