MARKU 6:20 - Jinghpaw Common Language Bible 2009

²⁰ Yawhan gaw, ding hpring ai hte chyoi pra ai wa rai nga ai hpe Herod chye wu ai majaw, shi hpe hkrit kamyin ai hte makawp maga nga ai. Herod gaw Yawhan a sharin shaga ai ga na lu ai ten shagu shi a myit hta grai ung ang shangun ai rai tim, shi a ga na la na grai ra nga ai.

Jinghpaw Hanson Version Bible

²⁰ kaning rai nme law, Yawhan gaw dingman ai hte chyoi pra ai wa rai nga ai hpe, Herod chye wu ai majaw, shi hpe hkrit kamyin ai hte makawp maga nga ai: shi a ga na la wu yang, shi myit grai ung ang rai nga timung, shi a ga na la na grai ra nga ai.

MARKU 6:20 ပူးပေါင်းရင်းမြစ်များ

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

2 HKAWHKAM 13:14

Myihtoi Elisha gaw si lu na daram re ai ana ahkya hte machyi hkrum sha nga ai; shi kaleng taw nga yang Israela Hkawhkam Yehoasha shi kaw sa du kawan wu ai. Shaloi shi hkrap let, “Nye wa e, nye wa e, nang gaw Israela a matu chyalai n-gun hte hpring ai dahpran shara rai nga nit dai law,” ngu nna jahtau tsun wu ai.

2 HKAWHKAM 6:21

Israela hkawhkam gaw dai Suri masha ni hpe mu jang, shi gaw Elisha hpe, “Madu e, ngai shanhte hpe sat kau na rai nga a ni? Ngai shanhte hpe sat kau na rai nga a ni?,” ngu nna san wu ai.

2 HKAWHKAM LABAU 24:2

Hkinjawng Yehoiada hkrung nga dingsa dai Madu awng sharawng ai hku shi galaw nga ai.

2 HKAWHKAM LABAU 26:5

Nawku htung hte seng nna shi hpe hpaji jaw ai Zehkaria ahkrung nga dingsa dai Madu hpe sadi sahka hte daw jau wu ai rai nna Karai Kasang shi hpe shaman ya wu ai.

PRU MAT 11:3

Dai Madu gaw Israela amyu masha ni hpe myi man pa shangun nga ai. Du salang ni hte mung masha ni yawng mung, Mawshe hpe grai galu kaba ai masha langai mi hku kaja wa myit nawn da nga ma ai.

EZEKELA 33:32

Nang gaw mahkawn shangwi shapyaw nna madum sumpyi hte shapyaw chye ai hta jan nna shanhte a matu hpa mung akyu n rawng nga ndai. Shanhte gaw na a ga mahkra madat nga ma ti mung, dai ga ni hta na langai mi hpe pyi hkan galaw nga ma ai n rai.

Daniela 4:18

“Hkawhkam Nebuhkadneza gaw, “Da ndai gaw ngai mu ai yup mang rai nga ai. Ya chyawm gaw Belteshaza e, de a lachyum hpa rai nga ai gaw ngai hpe tsun dan e. Nye a hkawhkam wang na hpaji jaw masha ni kadai n lu tsun dan ti mung nang chyawm gaw chyoi pra ai karai ni a wenyi nang hta rawng nga ai majaw htai dan lu na ndai,” ngu nna tsun wu ai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

Daniela 5:17

Daniela gaw, “Na a kumhpa ni gaw na a matu she rai nga u ga; shing n rai marai langai ngai hpe jaw u. Dai ka da sai laika ga gaw nang madu hkawhkam wa a matu ngai hti nna, de a lachyum tsun dan na de ai.

MAHTE 14:5

Herod gaw shi hpe sat kau mayu da wu ai rai ti mung, mung masha ni Yawhan hpe myihtoi zawn nawn da mu ai majaw, shanhte hpe hkrit da wu ai.

MAHTE 21:26

Bai, ‘Masha kaw na re,’ ngu yang, mung masha ni hpe anhte hkrit shara nga ga ai, hpa majaw nga yang, Yawhan myihtoi rai nga ai hpe yawng hte kam nga ma ai,” nga shajang ma ai.

MARKU 11:18

Hkinjawng agyi ni hte tara sara ni, dai hpe na ma yang, shi hpe sat kau na lam tam ma ai. Shanhte gaw shi hpe hkrit da mu ai, hpa majaw nga yang, shawa masha ni yawng hte gaw, shi sharin shaga ai lam hpe mau mahka nga ma ai.

MARKU 4:16

Bai masha nkau mi gaw, lung rawk ga ntsa e hkrat ai nli tum ni hte bung nga ai. Mungga hpe na la ai shaloi jang, dai hpe kabu gara hkap la ma ai.

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

KASA 2:12

Shanhte gaw mau mahka ung ang let, “Ndai zawn byin ai lam gaw hpa baw lachyum wa rai nga a ta?,” nga nna shada san hkat nga ma ai.

KASA 5:24

Hkinjawng agyi ni hte htingnu sin ai du wa dai hpe na ma yang, kasa ni hta hpa byin ai rai wa sai kun? nga nna grai mau mat ma ai.