MARKU 6:2 - Jinghpaw Common Language Bible 2009

² Bansa Nhtoi hta tara jawng e shi sharin shaga hpang nga ai. Dai yang e masha law law wa nga nga ma ai rai nna, shi a sharin shaga ai lam hpe na lu ai ni yawng mau mahka mat ma ai. Ndai wa gaw, “Dai hpaji atsam hpe kanang na lu la wu ai kun? Shi lu ai hpaji machye machyang gaw hpa baw hpaji rai nga a ta? Shi gaw lamik kumla ni hpe gara hku galaw lu ai kun?

Jinghpaw Hanson Version Bible

² laban nhtoi du yang, tara jawng hta e, shi sharin shaga hpang nga ai. Ga na lu ai ni law law wa, myit na kahpra nga ma ai rai nna, “Ndai wa gaw, ndai hte hpe kanang na lu la wu hka? Dai wa lu la ai hpaji byeng-ya gaw hpa baw rai nga a ta? Shi a lata hta byin ai, ndai magam amu gaw, hpa wa rai nga a ta?

MARKU 6:2 ပူးပေါင်းရင်းမြစ်များ

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 7:28

Ya Yesu dai ga ni hpe hkaw tsun ngut jang, shi sharin shaga ai lam hpe shawa masha ni mau mat nga ma ai.

MARKU 1:39

Shing rai shi gaw Galile mung ting kawan hkawm nna tara jawng ni hta hkaw tsun dan let nat ni hpe shaden kau mu ai.

MARKU 10:1

Dai hpang Yesu gaw dai shara na pru mat wa nna, Yuda mung de sa mat wa nhtawm, Yawdan hka hpe rap wu ai. Shawa masha wunawng wuwa shi hpang de sa hpawng nga ma ai rai nna galoi mung shi galaw nga ai hte maren shanhte hpe sharin shaga ya mu ai.

LUKA 2:47

Shi a ga na mana ni gaw, shi a bawnu hpaji kungzet ai ga san hte mahtai jaw ai lam ni a majaw mau nga ma ai.

LUKA 4:15

Shanhte a tara jawng ni hta shi sharin shaga ya nna, masha yawng mayawng gaw shi hpe shagrau sha-a ma ai.

YAWHAN 6:42

Dai rai nna shanhte gaw, “Ndai wa gaw Yosep a kasha Yesu n rai nga a ni? Shi a kanu yan kawa hpe anhte chye gaw ai n rai ni? Dai re ai mi, ya shi, ‘Ngai gaw sumsing lamu de nna yu wa nngai,’ nga nna kaning rai tsun lu a ta?,” nga ma ai.

YAWHAN 7:15

Ahkang aya lu ai Yuda masha ni gaw mau ai hte, “Ndai wa gaw hpa jawng mung n lung yu ai mi kaning rai ndai daram wa chye chyang ai kun?,” nga ma ai.