MARKU 6:15 - Jinghpaw Common Language Bible 2009

¹⁵ Kaga ni mahtang, “Shi gaw Elia rai nga ai, bai kaga ni gaw, moi na myihtoi langai mi zawn, myihtoi bai paw pru ra ai,” nga shajang ma ai.

Jinghpaw Hanson Version Bible

¹⁵ kaga ni mahtang, “Shi gaw, Elia rai nga ai;” bai kaga hte gaw, “Moi na myihtoi langai mi zawn, myihtoi bai pru ra ai,” nga shajang ma ai.

MARKU 6:15 ပူးပေါင်းရင်းမြစ်များ

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 16:14

Shanhte gaw, “Nkau mi, Hkalup Sara Yawhan; kaga ni gaw, Elia; bai kaga ni gaw, Yeremia; shing n rai myihtoi langai ngai re ai, nga ma ai,” ngu mu ai.

MAHTE 21:11

Shawa masha ni mahtang, “Ndai wa gaw, Galile mung Nazaret mare na Yesu ngu ai myihtoi wa rai nga ai,” nga nna htan ma ai.

MARKU 6:16

Dai lam Herod na lu ai shaloi, “Ndai wa gaw Yawhan nan rai sai! Ngai shi hpe htau sat kau se ai, rai ti mung shi bai hkrung wa ra ai!,” nga nna tsun ai.

MARKU 8:28

Shanhte gaw, “Masha nkau mi, nang hpe Hkalup Sara Yawhan re ai, kaga hte gaw, Elia re ai, bai kaga hte gaw, myihtoi ni hta na langai mi rai nga ai, nga ma ai,” ngu nna shi hpe tsun dan mu ai.

LUKA 1:17

Yawhan gaw, dai Madu a shawng e du sa ai wa rai nna myihtoi Elia zawn n-gun atsam rawng nna galu kaba wa na ra ai. Shi gaw kawa ni hpe kasha ni hte bai htingram ya nna n madat n mara nna je hpre ai masha ni hpe ding hpring ai ni a hpaji ningli bai lu la shangun na ra ai. Shi gaw dai Madu a matu lajang shachyip da chyalu rai hkra, Madu mazing da ai amyu masha ni hpe hkyen lajang ya na ra ai,” ngu nna Zahkaria hpe tsun wu ai.

LUKA 7:16

Masha yawng hte mung hkrit let mau mat shajang ma ai rai nna, Karai Kasang hpe shagrau sha-a let, “Myihtoi kaba anhte kaw paw pru ra ai, nga nna mung; Karai Kasang gaw shi a amyu hpe hkye la na matu du sa ra ai, nga nna mung,” shanhte tsun gara ma ai.

LUKA 7:39

Yesu hpe shaga ai Hparishe wa dai mu jang, “Ndai wa kaja wa myihtoi langai mi rai yang gaw, ndai num gaw kadai re ai, shi hpe kadai wa sa hkra nga ai, ndai num gaw kaning re ai yubak kap ai jan rai nga ai mung, shi chye na wu ai,” nga nna shi a kraw e myit nga ai.

LUKA 9:19

Shanhte gaw, “Nkau mi Hkalup Sara Yawhan re ai nga nna tsun ma ai; nkau mi Elia; nkau mi gaw moi shawng de na myihtoi langai ngai bai hkrung rawt ai rai nga ai, nga shajang ma ai,” ngu nna htan mu ai.

LUKA 9:8

Nkau mi gaw myihtoi Elia bai paw pru ra ai, bai kaga ni gaw, shawng na myihtoi ni hta na langai ngai asak bai hkrung wa ai, nga nna tsun shajang ma ai.

YAWHAN 1:21

Shaloi shanhte gaw, “Dai rai yang gaw nang kadai rai n ta? Nang Elia rai n ni?,” ngu nna bai san mu yang, “N rai nngai,” ngu nna bai htan wu ai. “Dai myihtoi rai n ni?,” ngu nna bai san mu yang “N rai nngai,” ngu nna bai htan wu ai.

YAWHAN 1:25

Bai shanhte gaw, “Nang gaw Meshia mung n rai, Elia mung n rai, dai myihtoi wa mung n rai yang gaw, nang hpa rai hkalup jaw n ta?,” ngu nna shi hpe san mu ai.

YAWHAN 6:14

Ndai zawn Madu Yesu madun ai lamik kumla hpe mu ma yang, masha ni gaw, “Kaja wa teng teng ndai wa gaw mungkan ga de du sa na ra ai dai myihtoi wa rai nga ai,” nga ma ai.

YAWHAN 7:40

Shi shing nga tsun ai ga na ma yang, shawa masha ni hta na nkau mi gaw, “Ndai wa gaw kaja wa myihtoi rai nga ai,” nga ma ai.

YAWHAN 9:17

Dai rai nna Hparishe ni gaw, myi n mu ai kaw na myi bai mu lu ai masha wa hpe na a myi bai mu shangun ai wa gaw, kaning re ai wa re ai ngu da wu ta?,” ngu nna kalang mi bai san mu ai. Dai wa gaw, “Myihtoi langai mi rai nga ai,” ngu nna bai htan mu ai.