MARKU 6:14 - Jinghpaw Common Language Bible 2009

¹⁴ Yesu a lam shiga shara shagu dan hkung chyam bra wa ai rai nna Herod hkawhkam gaw dai lam mahkra hpe na lu wu ai. Masha nkau mi gaw, Yesu hpe, “Hkalup Sara Yawhan si ai kaw na bai hkrung rawt wa ai wa re! Dai majaw she shi gaw lamik kumla ni hpe galaw lu nga ai,” nga nna tsun ma ai.

Jinghpaw Hanson Version Bible

¹⁴ Shaloi Herod hkawhkam gaw dai lam hpe na wu ai: kaning rai nme law, Yesu a amying dan hkung wa lu ai rai nna, masha ni gaw, baptisma jaw ai Yawhan gaw si ai ni kaw na bai hkrung rawt wa sai; dai majaw, dai magam amu hte gaw, dai wa hta e pra pra rai pru nga ai;

MARKU 6:14 ပူးပေါင်းရင်းမြစ်များ

2 HKAWHKAM LABAU 26:15

Shi gaw Yerusalem mare hta langchyi hte mare bunghku jut ni kaw nna ndan gap na hte nlung kaba ni hpe kabai na matu arung arai nnan chye shachyaw ai ni hpe galaw shangun wu ai. Shi a kajai gumhkawng ai gaw shara shagu de chyam bra mat wa nna Karai Kasang kaw na karum la ai lam lu la wu ai majaw daru magam n-gun grai rawng wa wu ai.

2 HKAWHKAM LABAU 26:8

Amon masha ni mung Uzia hpe ahkun hkanse jaw ma ai; shi a daru magam n-gun grai ja wa ai hte shi a kajai gumhkawng ai gaw Egutu mung de du hkra pyi pri rai nga ai.

MAHTE 9:31

Rai ti mung, shan gaw pru mat wa nna, Yesu a lam shiga hpe dai mung ting hta e shabrawng dat mu ai.

MARKU 1:28

Shaloi jang Yesu a lam shiga ni gaw Galile mung shara shagu hkan e chyam bra mat wa ai.

MARKU 1:45

Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

MARKU 8:28

Shanhte gaw, “Masha nkau mi, nang hpe Hkalup Sara Yawhan re ai, kaga hte gaw, Elia re ai, bai kaga hte gaw, myihtoi ni hta na langai mi rai nga ai, nga ma ai,” ngu nna shi hpe tsun dan mu ai.

LUKA 13:31

Dai ahkying hta nan, Hparishe nkau mi Yesu kaw sa nna, “Nang ndai kaw na pru mat wa nna kaga shara langai ngai de sa wa su, hpa majaw nga yang, Herod nang hpe sat na maw nga ai,” ngu nna shi hpe tsun mu ai.

LUKA 3:1

Kehta Tiberi hkaw dung ai shi manga ning hta, Yuda mung e Pontu Pilat gaw munggyi aya hta, Galile mung e Herod gaw du aya hta, Ituri hte Trakuni ginwang hta e Herod a kanau Hpilip gaw du aya hta, Abili mung e Lusanu gaw du aya hta, rai shajang nga ma ai.

LUKA 7:17

Ndai Yesu a lam a shiga gaw, Yuda mung ting hte grup yin shara shagu kajai gumhkawng mat wa ai.

LUKA 9:19

Shanhte gaw, “Nkau mi Hkalup Sara Yawhan re ai nga nna tsun ma ai; nkau mi Elia; nkau mi gaw moi shawng de na myihtoi langai ngai bai hkrung rawt ai rai nga ai, nga shajang ma ai,” ngu nna htan mu ai.

1 HTESALONI 1:8

Hpa majaw nga yang, nanhte kaw na dai Madu a lam mungga gaw, Makedoni mung hte Ahkaia mung ting hta kajai gumhkawng wa ai sha n ga, Karai Kasang hta nanhte kam sham nga ai makam masham shiga ni mung shara shagu hkan e chyam bra wa sai. Dai rai nna nanhte hpe hpa tsun shara n nga saga ai.

HEBRE 2:4

Dai hta kaga Karai Kasang gaw shi nan lamik kumla ni, mauhpa amu amyu myu galaw dan ai hku nna mung, Chyoi Pra ai Wenyi hte seng ai chyeju kumhpa ni hpe shi a myit ai hku hte maren garan jaw ai hku nna mung, shanhte a sakse ni hta jat kahtap nna madun dan nga ai.