MARKU 6:12 - Jinghpaw Common Language Bible 2009

¹² Shaloi shanhte pru sa nna, masha ni hpe shanhte a yubak mara ni kaw na kayin wa lu na lam hkaw dan mu ai.

Jinghpaw Hanson Version Bible

¹² Shaloi shanhte pru wa nna, masha ni myit malai lu na lam, hkaw dan mu ai:

MARKU 6:12 ပူးပေါင်းရင်းမြစ်များ

EZEKELA 18:30

“Ya chyawm gaw, nanhte galaw dan sai arawn alai hte maren, nanhte langai hte langai hpe tara jeyang na nngai, nga nna dai Tsaw Htum ai Madu ngai nan Israela amyu masha ni hpe tsun nga nngai. Nanhte galaw shut kau ai yubak gaw nanhte hpe n jahten kau u ga, nanhte galaw shut hpyit kau ai n hkru n shawp ai amu yawng kaw nna kayin wa marit.

MAHTE 11:1

Ya, Yesu gaw shi a sape shi lahkawng hte hpe hkang da ngut yang, ni nawn ai mare kahtawng ni hta sharin shaga nna, mungga hkaw dan na matu, shi dai shara kaw na pru sa wa ai.

MAHTE 11:20

Mauhpa lamik kumla ni law malawng galaw dan sai mare ni, shanhte a yubak mara kaw na myit malai n lu ma ai majaw, dai mare ni hpe ning ngu daru kau mu ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 3:8

Dai majaw, nanhte a yubak mara ni kaw na myit malai lu nna kayin wa sai lam nanhte a arawn alai hte madun dan mu!

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, nanhte a yubak mara ni kaw na myit malai lu nna kayin wa marit!,” nga nna hkaw tsun hpang nga ai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

MARKU 1:15

Shi gaw, “Dai aten ladaw dik wa ai hte, Karai Kasang a mungdan gaw ni wa magang ra ai! Nanhte a yubak mara ni kaw na kayin wa nna Karai Kasang a Kabu Gara Shiga hpe kam sham nga mu!,” ngu nna hkaw dan mu ai.

MARKU 1:3

Nam mali kata e masha langai mi jahtau nga ai nsen gaw, ‘Dai Madu a matu lam lajang da mu; shi hkawm sa wa na matu lam hpe malang hkra shading mu!, nga ai,’” nga nna tsun hpang ai.

LUKA 11:32

Tara Dara ai Nhtoi hta Ninewe mare masha ni rawt nna nanhte hpe mara shagun na mara ai, hpa majaw nga yang, shanhte gaw Yona hkaw tsun ai ga hpe na ai shaloi, shanhte a yubak mara ni kaw na myit malai lu ma ai. Yu mu! ndai yang, Yona hta grau kaba ai wa nga nga ai!

LUKA 13:3

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, nanhte yawng shanhte zawn si wa na marin dai.

LUKA 13:5

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, shanhte zawn, yawng si wa na marin dai,” ngu mu ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 15:7

Dai hte maren, ngai nanhte hpe tsun made ga, myit malai lu shara n nga dum ai hkungga ging ai masha jahku shi jahku a majaw kabu gara ai hta, myit malai lu ai yubak kap ai wa langai mi a majaw, sumsing lamu kata e, grau nna kabu gara rai na ra ai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

LUKA 9:6

Shing rai sape ni pru sa nna, kahtawng shagu hkan e dai Kabu Gara Shiga hkaw dan let, shara magup hkan e shamai shatsai ya hkawm ma ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,