MARKU 5:9 - Jinghpaw Common Language Bible 2009

⁹ Dai majaw Yesu gaw, “Na a mying hpa rai lit ta?,” ngu nna shi hpe san wu ai. Shi gaw, “Anhte law law wa rai nga ga ai majaw, nye a mying Legion rai nga li ai!,” ngu nna shi hpe htan wu ai.

Jinghpaw Hanson Version Bible

⁹ Bai Yesu gaw, “Na amying hpa rai lit ta? ngu nna shi hpe san wu yang, shi gaw, Anhte law wa rai nga ga ai majaw, nye a amying Legio rai nga li ai,” ngu nna shi hpe htan wu ai.

MARKU 5:9 ပူးပေါင်းရင်းမြစ်များ

MAHTE 12:45

Shaloi shi nhtang sa nna, shi hta grau n hkru ai nat sanit hpe shaga wa nhtawm shanhte shang nna dai yang e arawng nga ma ai; dai rai nna, dai masha a nsam gaw, shawng na hta grau ru wa lu ai. Dai hte maren ndai prat na n hkru ai amyu hta byin wa na ra ai,” ngu mu ai.

MAHTE 26:53

Ngai gaw nye Wa kaw karum hpyi na ahkang lu nna, shi gaw kalang ta lamu kasa dap shi lahkawng n ga hkra, ngai hpang de shangun dat na ra ai hpe nang n chye nga n ni?,” ngu nna shi hpe tsun wu ai.

MARKU 5:10

Dai hta kaga, dai buga kaw na shanhte hpe n gawt shapraw kau mu ga, matut nna Yesu hpe hpyi nem mu ai.

MARKU 5:15

Shanhte Yesu kaw du ma yang, shawoi nat law law lawm ai legion nat kap ai masha wa gaw, hpun palawng atsawm sha bu hpun nna, shawoi na myit kaja hte dung nga la ai hpe shanhte mu mu ai rai nna, shanhte yawng hkrit kahpra mat ma ai.

MARKU 5:8

(Ndai zawn nga nna tsun ai lam gaw, Yesu shi hpe, “N seng ai nat e, ndai masha kaw na pru mat wa u!,” nga nna hkang da nu ai majaw rai nga ai.)

LUKA 8:30

Yesu gaw, “Na a mying hpa rai lit ta?,” ngu nna shi hpe san wu ai. Shi gaw, “Legio rai li ai,” ngu wu ai. Hpa majaw nga yang, nat law law shi hta shang nga ma ai.