MARKU 5:7 - Jinghpaw Common Language Bible 2009

⁷ “Tsaw htum ai Karai Kasang a Kasha Yesu e! Nang ngai hpe hpa di mayu n ta? Nang ngai hpe n zingri n ga, Karai Kasang a marang e nang hpe ngai hpyi nem, nngai law!,” ngu nna nsen kaba hte jahtau wu ai.

Jinghpaw Hanson Version Bible

⁷ Nang ngai hpe n zingri n ga, Karai Kasang hta, ngai nang hpe dagam de ai,” ngu nna nsen kaba hte jahtau wu ai.

MARKU 5:7 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

1 HKAWHKAM 22:16

Rai ti mung Ahab gaw, “Dai Madu a mying ningsang hte nang ngai hpe ga shaga ndai shaloi teng man ai ga hpe tsun u! Dai lam ngai nang hpe gade lang tsun shadum ra na rai ta?,” ngu nna tsun htang wu ai.

HOSEA 14:8

Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.

MAHTE 16:16

Simun Petru gaw htan nna, “Nang gaw Meshia ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 26:63

Yesu mahtang atsin sha nga nga ai. Bai Hkinjawng Agyi Kaba wa gaw, “Nang gaw Karai Kasang a Kasha ngu ai Meshia rai nga ndai kun? Anhte hpe tsun dan mi ga, ngu nna ahkrung nga ai Karai Kasang a mying nsang hta ya ngai nang hpe dagam da de ai,” ngu nna shi hpe tsun wu ai.

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

MARKU 1:24

Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

MARKU 14:61

Rai ti mung Yesu gaw atsin sha nga nna ga hkaw mi mung n htan wu ai. Bai Hkinjawng Agyi Kaba wa gaw, “A lu ai Karai Kasang a Kasha, Meshia nang rai nga n ni?,” ngu nna shi hpe san wu ai.

MARKU 3:11

N seng ai nat kap ni masha ni Yesu hpe mu shagu, shi a man e dingnyawm dagup nna, “Nang gaw Karai Kasang a Kasha rai nga ndai!,” nga nna kyek jahtau ma ai.

MARKU 5:6

Yesu hpe tsan tsan kaw nna mu wu yang, shi gat sa nna, shi a man e dingnyawm dagup nawku ai hte,

MARKU 5:8

(Ndai zawn nga nna tsun ai lam gaw, Yesu shi hpe, “N seng ai nat e, ndai masha kaw na pru mat wa u!,” nga nna hkang da nu ai majaw rai nga ai.)

LUKA 1:32

Dai wa gaw galu kaba wa na ra ai rai nna, Tsaw Htum ai wa a kasha ngu, shi hkam la la na ru ai; Madu Karai Kasang mung, shi kawa Dawi a tingnyang shi hpe jaw na wu ai.

LUKA 4:34

“Ah! Nazaret wa Yesu e, anhte nang hte hpa seng ga ta? Anhte hpe jahten kau na matu ndai kaw nang sa du nga n ni? Nang kadai re ai ngai chye nga nngai, nang gaw Karai Kasang a chyoi pra ai wa rai nga ndai,” nga ai.

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

YAWHAN 20:31

Rai ti mung, Yesu gaw Karai Kasang a Kasha ngu ai Meshia rai nga ai hpe, nanhte kam sham lu nna, shi hpe kam sham ai a marang e asak hkrung ai lu la myit ga, ngu nna ndai hte wa ka tawn da nga ai.

KASA 16:17

Dai shangun ma numsha gaw Pawlu hte anhte a hpang hkan nang nna, “Ndai ni gaw law, Tsaw Htum ai Wa a shangun ma ni rai nna nanhte kaning rai hkye hkrang la hkrum na lam tsun shana dan ai ni rai nga ma ai law!” nga nna jahtau htau re ai.

KASA 19:13

Dai shaloi nat hkyawt shaden kau let kawan hkawm nga ai Yuda masha nkau mi mung Madu Yesu a mying nsang hte n hkru ai nat ni hpe shaden kau lu na matu shakut nga ma ai. Shanhte gaw n hkru ai nat ni hpe, “Pawlu hkaw tsun ai Yesu a mying nsang hte ngai nanhte hpe shapraw made ai,” nga nna n hkru ai nat ni hpe tsun mu ai.

KASA 8:36

Shing rai shan hkawm sa wa ma yang hka nga ai shara langai mi kaw du jang dai du wa gaw, “Yu u, nang e hka nga nga ai; ngai hkalup hkam na hpa hkum shara nga a ta?,” ngu wu ai.

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

HEBRE 2:14

Kasha ni ngu nna shi shanhte hpe shamying wu ai hte maren, asai ashan dagraw ai masha ni rai nga ma ai. Yesu shi hkum nan mung shanhte zawn asai ashan dagraw ai shinggyim masha hkum hkrang rau rum hkam la wu ai. Shing rai hkam la ai lam gaw si hkrung si htan hpe up ai nat wa a atsam hpe jahten shabyak kau na matu rai nga ai.

HEBRE 7:1

Ndai Melhkizedek gaw, Salem Mare a hkawhkam hte Tsaw Htum ai Karai Kasang a hkinjawng wa shi rai nga ai. Hkawhkam mali hpe gasat dang kau nna Abraham bai du wa yang, Melhkizedek gaw shi hpe hkap tau la nna shaman ya wu ai.

YAKU 2:19

Karai Kasang langai sha nga ai hpe nang kam n ni? Rai sa, mai kaja nga ai! Nat ni mung kam sham nga nna hkrit gari nga ma ai.

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.

YUDA 1:6

Tinang lu tawn da ai ahkang aya kata hta myit n dik nna tinang a nga shara buga hpe kau da nna pru mat wa ai lamu kasa ni hpe mung myit dum nga mu. Karai Kasang gaw shi tara daw dan ai Nhtoi kaba hta shanhte hpe daw dan nna ari jaw na matu nsin sin ai kata hta htani htana re ai hpri sumri ni hte gyit hkang da mu ai.

SHINGRAN 12:12

Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.