MARKU 5:40 - Jinghpaw Common Language Bible 2009

⁴⁰ Shanhte chyawm gaw shi hpe mani asawng kau mu ai; Shi mahtang shanhte yawng hpe shaden kau ngut jang, dai ma a kanu yan kawa hte sape ni marai masum hpe shaga la nna dai ma taw nga ai gawk de shang wa ma ai.

Jinghpaw Hanson Version Bible

⁴⁰ Shanhte chyawm gaw shi hpe asawng asang ngu kau mu ai. Shi mahtang nlang hte hpe shaden kau ngut jang, dai ma a kanu yan kawa hte shi hte rau nga ai ni hpe, shaga la nna, dai ma taw nga ai shara de shang wa ai:

MARKU 5:40 ပူးပေါင်းရင်းမြစ်များ

NINGPAWT NINGHPANG 19:14

Dai hpang Lawt gaw shi a shayi sha ni hpe la na hkyen ai kahkri ni hpang de sa nhtawm, “Alawan rawt manu, ndai shara kaw nna pru mat wa manu; dai Madu gaw ndai shara hpe jahten kau na nu ai,” ngu nna tsun dan wu ai. Rai ti mung, shi shatu nga ai ngu nna shanhte myit nawn ya mu ai.

2 HKAWHKAM 4:33

Shi gaw chyinghka hpe la kau nhtawm dai Madu kaw akyu hpyi nga ai.

NEHEMIA 2:19

Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

YOBA 12:4

Ya chyawm gaw nye a manang ni pyi ngai hpe mani ma ai; ngai gaw ding man ai hta mara n kap nga tim pyi, shanhte mani ma ai; rai ti mung Karai Kasang gaw nye a akyu hpyi ga ni hpe htan ya ai aten nga nga yu sai.

SHAKAWN KUNGDAWN 22:7

Ngai hpe mu ai ni yawng hte gaw ngai hpe mani asawng nga ma ai; shanhte gaw shanhte a shinglet ni hpe shaw dan nhtawm baw ni hpe kanga dan nga ma ai.

MAHTE 15:11

N-gup de shang wa ai arai gaw, masha hpe awu asin di kau lu ai n rai, dai n-gup hta na pru ai mahtang gaw, masha hpe awu asin di kau nga ai,” ngu mu ai.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

MARKU 5:39

Nhku de shang wa nna, “Nanhte hpa rai ndai zawn kaming kamawng, hkrap ngu hkrap ngoi rai nga myit ta? Ma gaw si ai n rai-shi gaw yup pyaw nga ai sha re,” ngu shanhte hpe tsun mu ai.

MARKU 5:41

Dai ma a lata hpe shi jum da nna, “Talitha, koum,” ngu wu ai. (De a lachyum gaw, “Mahkawn ma e rawt u, ngu nna ngai tsun de ai,” nga ai re.)

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.