MARKU 5:39 - Jinghpaw Common Language Bible 2009

³⁹ Nhku de shang wa nna, “Nanhte hpa rai ndai zawn kaming kamawng, hkrap ngu hkrap ngoi rai nga myit ta? Ma gaw si ai n rai-shi gaw yup pyaw nga ai sha re,” ngu shanhte hpe tsun mu ai.

Jinghpaw Hanson Version Bible

³⁹ nhku de shang wa yang, “Nanhte hpa rai kaming kamawng re ai hte hkrap ngu hkrap ngoi rai nga myit ta? ma gaw si ai n rai, yup pyaw nga ai,” nga nna shanhte hpe tsun mu ai.

MARKU 5:39 ပူးပေါင်းရင်းမြစ်များ

Daniela 12:2

Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

MAHTE 9:24

Shi gaw, “Yawng yen mu! Dai numsha ma gaw yup pyaw nga ai sha rai nga ai,” ngu mu ai. Shaloi shanhte yawng shi hpe mani asawng kau ma ai.

MARKU 5:38

Ya, Yairu a nta de du ma yang kaming kamawng, hkrap ngu hkrap ngoi ai hte sharung shayawt rai nga ma ai hpe shi mu mada wu ai.

MARKU 5:40

Shanhte chyawm gaw shi hpe mani asawng kau mu ai; Shi mahtang shanhte yawng hpe shaden kau ngut jang, dai ma a kanu yan kawa hte sape ni marai masum hpe shaga la nna dai ma taw nga ai gawk de shang wa ma ai.

KASA 20:10

Shaloi Pawlu yu wa nhtawm, dai wa a ntsa e shi hkum mara ahpum let, “Hkum tsang myit shi asak naw hkrung nga ai,” ngu mu ai.

1 KORINHTU 11:30

Dai re ai majaw, nanhte hta na n-gun kya ai hte n hkam kaja ai masha law law wa nga nga ma ai, si mat ai ni mung tsawm ra wa rai nga ma ai.

1 HTESALONI 5:10

Hkristu bai du sa wa ai shaloi e anhte gaw si mat sai rai ti mung, naw hkrung nga ai rai ti mung, shi hte rau asak hkrung nga lu na matu shi gaw anhte a matu si hkam ya sai.