MARKU 5:35 - Jinghpaw Common Language Bible 2009

³⁵ Yesu ndai lam naw tsun nga yang, Yairu a nta na masha nkau mi sa du nna, “Na a shayi sha si mat sai. Dai sara hpe hpa rai naw shatsang nga na rai ta?,” ngu mu ai.

Jinghpaw Hanson Version Bible

³⁵ Shi naw tsun nga yang, tara jawng agyi a nta na ni sa du nna, “Na a shayi sha si mat sai; dai sara hpe hpa rai naw shatsang nga n ta?” ngu mu ai.

MARKU 5:35 ပူးပေါင်းရင်းမြစ်များ

MAHTE 26:10

Yesu mahtang shanhte tsun nga ai lam chye nna, “Dai numsha hpe hpa rai nme shatsang nga myit ta? Shi gaw ngai hta kaja ai hte tsawm htap ai hku galaw nu ai.

MAHTE 26:18

Shi gaw, “Dai mare hta na masha langai mi kaw sa nna, ‘Sara tsun dat mi ai gaw, nye a ahkying ni wa sai, na a nta e nye a sape ni hte rau dai Shalai wa ai Poi hpe ngai sha na nngai,’ nga ai ngu nna shi hpe tsun mu,” ngu dat wu ai.

MAHTE 9:18

Yesu dai ga shanhte hpe naw tsun nga yang, tara jawng up ai Yuda agyi langai mi shi kaw sa du nna, shi a man e hput di let, “Nye a shayi sha, ya sha si mat sai; rai ti mung nang sa nna shi a ntsa e lata mara ya yang gaw, shi hkrung wa na ra ai,” ngu wu ai.

MARKU 10:17

Yesu bai hkawm sa wa na matu pru sa wa magang nga yang, masha langai mi shi kaw gat sa du nna, shi a man e hput di let, “Mai kaja ai Sara e n htum n wai asak lu la hkra, ngai hpa mi galaw na rai ta?,” ngu nna shi hpe san wu ai,

MARKU 5:22

Dai nawng makau e shi naw nga nga yang, Yairu mying ai tara jawng agyi langai mi sa du nna Yesu hpe mu hkrup jang, shi a lagaw nhpang e dingnyawm nna,

LUKA 8:49

Yesu ga naw tsun nga yang, tara jawng agyi a nta de na masha marai langai mi sa nna, “Na a shayi sha si mat salit dai, dai sara hpe hkum shatsang nu,” nga nna sa tsun ai.

YAWHAN 11:21

Shaloi Marhta gaw, “Madu e, nang nga ndai rai taw gaw, ngai yung wa n si na re!

YAWHAN 11:25

Yesu gaw, “Ngai gaw bai hkrung rawt ai lam hte asak hkrung ai lam rai nga nngai. Ngai hpe kam sham ai wa kadai mung, shi si mat ti mung, ahkrung nga na ra ai.

YAWHAN 11:28

Marhta gaw shing nga tsun ngut jang shi a kanau Mari hpe wa lagyim shaga la nna, “Sara nang de sa wa ra ai, nang hpe san nga ai,” ngu wu ai.

YAWHAN 11:32

Mari gaw Yesu nga ai shara de du nna shi hpe mu ai shaloi jang, shi a lagaw nhpang e dingnyawm dagup let, “Madu e nang lama nang e nga ndai rai taw gaw ngai yung n si na re!,” ngu wu ai.

YAWHAN 11:39

Yesu gaw, “Nlung dai hpe galau kau mu,” ngu nna hkang da mu ai. Shaloi si ai wa a kana Marhta gaw, “Madu e, ya gaw manam na sai, shi si ai mung mali ya rai sai,” ngu nna tsun mu ai.

YAWHAN 5:25

Ngai nanhte hpe teng teng tsun made ga, si nga ai ni gaw Karai Kasang a Kasha a nsen na lu na ahkying du wa ra ai rai nna dai ahkying gaw ya e pyi rai nga ai. Dai hpe na la ai ni mung asak hkrung nga na mara ai.