MARKU 5:33 - Jinghpaw Common Language Bible 2009

³³ Dai numsha chyawm gaw, shi hta gara hku hkam sha lu sai lam dum chye ai majaw, hkrit gari let sit sa nna, shi man e dingnyawm nhtawm teng ai lam yawng mayawng Yesu hpe tsun dan wu ai.

Jinghpaw Hanson Version Bible

³³ Dai numsha chyawm gaw, shi hta byin ai amu hpe chye chyang ai majaw, hkrit gari let sit sa nna, shi a man e dingnyawm nhtawm, shi a lam yawng mayawng hte hpe teng ai hku sha tsun dan wu ai.

MARKU 5:33 ပူးပေါင်းရင်းမြစ်များ

SHAKAWN KUNGDAWN 30:2

O Madu nye a Karai Kasang e, karum la na matu ngai nang hpe jahtau ni ai, nang ngai hpe shamai ya nit dai;

SHAKAWN KUNGDAWN 66:16

Karai Kasang hpe hkrit hkungga ai ni yawng hte e, sa madat la mu, shi nye a matu galaw dan sai amu ni nang hpe tsun dan na nngai.

MARKU 4:41

Shanhte mahtang hkrit kaba hte hkrit mat ma ai rai nna, “Ndai wa gaw kadai wa re ai i? Dai nbung hte hkaleng ni pyi shi a ga madat nga ma hka!,” nga nna shada da tsun shajang ma ai.

MARKU 5:32

Rai ti mung Yesu gaw, shi hpe kadai ahtawk hkra sai lam chye lu na matu grup yin de mada yu nga ai.

MARKU 5:34

Yesu gaw, “Nye a shayi sha e, na a kam sham ai myit gaw nang hpe shamai ya nit dai. Ngwi pyaw ai hte wa su, na a machyi ai atsu atsam mai wa nu ga,” ngu nna tsun dat wu ai.

LUKA 1:12

Zahkaria gaw dai mu jang kajawng nna hkrit kahpra mat ai.

LUKA 1:29

Mari dai ga a majaw masin kahpra nna, “Ndai shachyen ai ga gaw, kaning nga ai ga rai na ra i?,” nga nna myit aru yu nga ai.

LUKA 8:47

Dai numsha gaw makoi magap n rai lu sai hpe chye wu jang, gari kawa rai sa nna, shi a lagaw nhpang e dingnyawm dagup let, hpa rai shi ahtawk ai lam, dai shaloi jang shi mai tsai mat ai lam masha mahkra a man e tsun dan wu ai.