MARKU 5:23 - Jinghpaw Common Language Bible 2009

²³ “Nye a shayi sha kaji grai machyi nna si wa magang nga ai. Shi mai tsai wa nna hkrung nga u ga, shi a ntsa e lata mara ya na matu sa wa rit!,” ngu nna akroi anoi hpyi nem wu ai.

Jinghpaw Hanson Version Bible

²³ “Nye a shayi sha kaji nsa hti wa magang sai: shi bran wa nna, naw ahkrung nga u ga, shi a ntsa e lata mara ya na, sa wa rit,” ngu nna akroi anoi shi hpe hpyi nem wu ai.

MARKU 5:23 ပူးပေါင်းရင်းမြစ်များ

2 HKAWHKAM 5:11

Rai ti mung, Naman gaw masin pawt let pru mat wa nhtawm, “Myihtoi wa ngai hpang de kaja wa pru sa wa nna, dai Madu shi a Karai Kasang kaw akyu hpyi let shi a lata hte machyi ai shara e masawp ya nna ngai hpe shamai ya na zawn ngai myit nawn nngai re wa!

SHAKAWN KUNGDAWN 107:19

Shaloi, shanhte ru tsang hkrum ai aten hta Madu hpe hpyi jahtau mu ai; shi shanhte a shoichyum shoirang kata kaw nna shanhte hpe hkrang shaw la mu ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

MAHTE 8:3

Yesu gaw shi a lata ladawn nna, shi hpe ahtawk let, “Ngai hkraw nga nngai, san pra wa nu!,” ngu wu ai. Dai shaloi jang, shi a manggang ana san pra mat lu ai.

MARKU 16:18

Shanhte gaw lapu ni hpe hta jum ma ti mung shing n rai hpa baw gung lu ma timung, shanhte hta hpa n hkrum na ma ai; machyi makaw hkrum ai ni a ntsa e shanhte lata ni hpe mara ya nna mai tsai wa shangun na mara ai. ngu nna matsun dat mu ai.’

MARKU 5:24

Shaloi Yesu gaw Yairu hte rau hkan nang sa wa ai. Masha wunawng kaba mung shi kaw hkan gumbawm nang nna shi hpe kanawng matep hkra mu ai.

MARKU 6:13

Shanhte gaw nat law law ni hpe shaden kau mu ai hte machyi masha law law ni a ntsa e Tsanlun sau hte chya ya nna shanhte hpe shamai shatsai ya mu ai.

MARKU 7:32

Masha nkau mi gaw, na lahpang nna ma-a ai masha langai mi hpe shi hpang de woi sa wa nna, dai wa a ntsa e lata mara ya na, hpyi nem ma ai.

MARKU 8:23

Shi gaw dai myi kyaw ai wa hpe lata hte dun la nna, kahtawng shinggan de woi shapraw nhtawm, shi a myi hpe mayen mahtaw madit nna, shi a ntsa e lata mara da let, “Nang lama ma mu lu da nu ni?,” ngu nna shi hpe san wu ai.

LUKA 13:13

Shi a ntsa e lata mara ya wu ai; shaloi jang shi amalang jan rai lu nna, Karai Kasang a chyeju hpe shakawn kungdawn nga ai.

LUKA 4:38

Yesu gaw tara jawng na pru nhtawm, Simun a nta de shang wa ai. Simun a kani gaw hkali grai bu nga ai rai nna, shanhte shi a matu hpyi lajin ma ai.

LUKA 4:40

Jan shang wa jang, machyi makaw re ai hte ana ahkya amyu myu kap ai masha ni yawng Yesu hpang de woi sa mu ai. Shi gaw, langai hte langai a ntsa e lata mara ai hte shanhte hpe shamai ya mu ai.

LUKA 7:12

Dai mare chyinghka de shi du magang yang, si mat ai masha langai mi hpe lup makoi na matu mang hpai ai ni hpai pru sa wa mara ai; si ai wa gaw gaida jan langai mi a shadang sha shingtai rai nga ai; mare masha law law mung dai num hte rau hkan sa nang ma ai.

YAWHAN 11:3

Dai yan nau gaw, “Madu e nang tsaw ra ai wa gaw, machyi nga ai,” ngu nna shi ga shana dat mu ai.

KASA 28:8

Popli a kawa gaw, hkali hte kan hkyeng ana byin nna yup ra hta taw nga ai. Pawlu gaw dai wa kaw shang nna akyu hpyi ai hte shi a ntsa e lata mara ya nna, shi hpe shamai ya wu ai.

KASA 6:6

Dai hpang shanhte hpe kasa ni a man de jashawn dat nna dung nga shangun mu ai, kasa ni akyu hpyi ngut jang, shanhte a ntsa e lata mara jaw da mu ai.

KASA 8:17

Dai rai nna Petru yan Yawhan shanhte a ntsa e lata mara ya jang, shanhte dai Chyoi Pra ai Wenyi hkam la lu ma ai.

KASA 9:12

Anani mying ai wa shang sa nna shi myi bai hpaw u ga nga shi a ntsa e lata mara da ya ai hpe, shingran hta mu nu ai,” ngu wu ai.

KASA 9:17

Dai majaw Anani sa nna Shawlu nga ai nta de shang nhtawm Shawlu a ntsa e lata mara let, “Hpu nau Shawlu e, nang myi bai mu lu nna Chyoi pra ai Wenyi hpring lit ga nga, nang sa wa ai lam e nang hpe shadan dan ai Yesu nan, ngai hpe shangun dat ni ai,” ngu wu ai.