MARKU 5:22 - Jinghpaw Common Language Bible 2009

²² Dai nawng makau e shi naw nga nga yang, Yairu mying ai tara jawng agyi langai mi sa du nna Yesu hpe mu hkrup jang, shi a lagaw nhpang e dingnyawm nna,

Jinghpaw Hanson Version Bible

²² Shaloi, tara jawng agyi ni hta na, Ya-iru mying ai masha langai mi sa du nna shi hpe mu hkrup yang, shi a lagaw nhpang e dingnyawm nna,

MARKU 5:22 ပူးပေါင်းရင်းမြစ်များ

MAHTE 2:11

Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.

MARKU 5:33

Dai numsha chyawm gaw, shi hta gara hku hkam sha lu sai lam dum chye ai majaw, hkrit gari let sit sa nna, shi man e dingnyawm nhtawm teng ai lam yawng mayawng Yesu hpe tsun dan wu ai.

MARKU 5:38

Ya, Yairu a nta de du ma yang kaming kamawng, hkrap ngu hkrap ngoi ai hte sharung shayawt rai nga ma ai hpe shi mu mada wu ai.

LUKA 13:14

Shing rai, Yesu Bansa Nhtoi e shamai ya ai majaw, tara jawng agyi wa masin pawt ai hte shawa masha ni hpe, “Anhte amu galaw mai ai nhtoi kru ya nga ai; dai nhtoi ni hta sa nna shamai la mu; Bansa Nhtoi hta gaw hkum sa myit,” ngu nna tsun mu ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

KASA 13:15

Mawshe a Tara laika hte myihtoi ni a laika ni hpe hti ngut jang tara jawng agyi ni gaw shanhte hpang de masha shangun dat nna, “Hpu nau ni e, shawa hpawng hpe shadum jahprang n-gun jaw na mungga lu myit yang gaw, nanhte hpe ga shaga shangun mayu ga ai,” ngu wu ai.

KASA 18:17

Shaloi shanhte nlang tara jawng agyi wa Sosteni hpe rim la nna tara tingnyang a man e anu kayat kau mu ai. Galio chyawm gaw, dai lam hpe hpa mung n nawn ya mu ai.

KASA 18:8

Krispu mying ai tara jawng agyi wa mung shi a nta masha nlang hte hpawn Madu hpe kam sham ma ai; kaga Korinhtu masha ni law law mung, dai mungga na la nna kam sham ai hte hkalup hkam la ma ai.

SHINGRAN 22:8

Ngai Yawhan gaw, ndai lam ni yawng hpe na lu ai hte mu lu ai wa rai nga nngai. Ndai hte hpe mu lu ai hte na lu ngut jang, ndai lam ni ngai hpe madun dan ai lamu kasa a lagaw nhpang e, shi hpe nawku na matu ngai dingnyawm dagup nngai.