MARKU 5:2 - Jinghpaw Common Language Bible 2009

² Yesu li kaw na pru wa ai shaloi jang, n seng ai nat kap ai masha langai mi gaw lup lungpu hkan nga hkawm ai kaw na pru nhtawm Yesu hpe sa tau wu ai. Dai masha wa hta n seng ai nat rawng nga ai rai nna,

Jinghpaw Hanson Version Bible

² Shi gaw li de na pru wa ai shaloi jang, n seng ai nat kap ai masha langai mi lupwa kaw na pru nna, shi hpe sa tau wu ai.

MARKU 5:2 ပူးပေါင်းရင်းမြစ်များ

ESAIA 65:4

Shanhte gaw shana e si mat sai masha ni a tsu minla ni hte ga shaga na matu lungpu hku ni hte lupwa ni de sa ma ai. Shanhte gaw wa shan sha nna, tara maigan shagu hkungga nawng jau ai hta na shan shapyaw si mai ntsin ni hpe lu ma ai.

MARKU 1:23

Shaloi jang n san n seng ai nat kap ai masha langai mi tara jawng de shang wa ai.

MARKU 1:26

N seng ai nat gaw dai masha hpe aja wa bu lashan shangun nna, nsen kaba hte kyek jahtau let shi kaw na pru mat wa ai.

MARKU 3:30

(Yesu ning nga nna tsun ai lam gaw, masha nkau mi shi hpe, “Shi hta n seng ai nat langai mi rawng nga ai,” nga nna tsun nga ma ai majaw rai nga ai.)

MARKU 3:9

Shawa masha ni grai law nga ma ai rai nna Yesu gaw shi hpe n ahtu hkra mu ga nga, sape ni hpe shi a matu li kaji langai mi san shajin tawn da ya na hkang da wu ai.

MARKU 4:1

Bai Yesu gaw Galile Nawng makau e sharin shaga hpang wu ai. Shi kaw sa hpawng shinggrup nga ai shawa masha ni law la nga ma ai majaw, shi gaw nawng na li langai mi hta shang nna dai hta e dung nga ai. Shawa masha ni Yesu shaga ai nsen na lu na daram li hpe hkin-gau hte jahka tawn nna, shawa masha ni gaw nawng makau hkarang ntsa e nga nga ma ai.

MARKU 4:36

Dai rai nna shanhte gaw, shawa masha ni hpe kau da nhtawm Yesu shang dung nga sai li de sape ni shang nna shi hpe shanhte woi rap sa wa ma ai. Li kaga ni mung lawm nga ma ai.

MARKU 5:21

Yesu hte sape ni gaw hka nawng a wora hkran de bai rap mat wa ma ai. Dai nawng makau de masha wunawng kaba shi kaw sa hpawng ma ai.

MARKU 5:3

lup ni hta nga hkawm nga ai. Kadai mung shi hpe hpri sumri hte gara hku mung n gyit da lu ma ai.

MARKU 5:8

(Ndai zawn nga nna tsun ai lam gaw, Yesu shi hpe, “N seng ai nat e, ndai masha kaw na pru mat wa u!,” nga nna hkang da nu ai majaw rai nga ai.)

MARKU 7:25

N seng ai nat kap ai shayi sha kaji lu ai numsha langai mi gaw, Yesu a lam na lu nna, shaloi jang shi kaw sa nhtawm, shi a lagaw nhpang e dingnyawm nga ai.

LUKA 8:27

Yesu hkin-gau ntsa de pru lung wa yang, dai mare na nat kap ai masha langai mi sa tau la wu ai. Dai wa gaw aten na na wa hpun palawng n bu hpun ai hte, nta e mung n nga ai sha, lupwa lungpu ni hkan e nga nga ai.

LUKA 9:42

Dai la sha ma sa wa nga yang pyi, nat gaw shi hpe kadawng tawn nna htan gari shangun nga ai. Yesu gaw, dai n seng ai nat hpe ma kaw na pru mat na hkang dat ai hte dai ma hpe shamai ya nhtawm, kawa hpe bai ap ya wu ai.