MARKU 5:15 - Jinghpaw Common Language Bible 2009

¹⁵ Shanhte Yesu kaw du ma yang, shawoi nat law law lawm ai legion nat kap ai masha wa gaw, hpun palawng atsawm sha bu hpun nna, shawoi na myit kaja hte dung nga la ai hpe shanhte mu mu ai rai nna, shanhte yawng hkrit kahpra mat ma ai.

Jinghpaw Hanson Version Bible

¹⁵ Shanhte Yesu kaw du ma yang, Legio lawm ai nat kap ai wa gaw, hpun palawng bu hpun nna, shawoi na myit hte dung nga ai hpe, shanhte mu mu ai rai nna, hkrit kahpra mat ma ai.

MARKU 5:15 ပူးပေါင်းရင်းမြစ်များ

1 HKAWHKAM LABAU 13:12

Dai hpang Dawi gaw Karai Kasang hpe hkrit nna, “Ngai gaw Ga Shaka Sumpu hpe kaning rai hpai wa lu na kun?,” ngu nna tsun wu ai.

1 HKAWHKAM LABAU 15:13

Shawng na lang hpai ai shaloi dai yang e nanhte n lawm nga myit dai hte anhte galaw ang ai hte maren, shi hpe n nawku ai majaw dai Madu anhte a Karai Kasang anhte hpe ari jaw mi ai,” ngu nna tsun wu ai.

YOBA 13:11

shi a daru magam n-gun gaw hkrit hpa amu hte nanhte hpe jahpring ya na ra ai.

SHAKAWN KUNGDAWN 14:5

Rai ti mung, Karai Kasang gaw shi hpe madat mara ai ni hte rau nga nga ai majaw, shanhte hkrit gari wa na mara ai.

MAHTE 12:29

“N-gun ja ai wa hpe shawng n gyit kau yang gaw, shi a arai kashun la na, n-gun ja ai wa a nta nhku de kadai shang lu na rai ta? Shi hpe Shawng gyit da yang she shi a nta hpe hpya la lu na rai nga ai.

MAHTE 26:53

Ngai gaw nye Wa kaw karum hpyi na ahkang lu nna, shi gaw kalang ta lamu kasa dap shi lahkawng n ga hkra, ngai hpang de shangun dat na ra ai hpe nang n chye nga n ni?,” ngu nna shi hpe tsun wu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 9:33

Rai ti mung, dai nat hpe shaden kau ai shaloi jang n chye shaga ai wa gaw shaga lu ai. Masha shagu mung mau nga ma ai hte, “Israela amyu hta ndai zawn re ai, galoi mung n mu yu ga ai!,” nga ma ai.

MARKU 5:14

Wa ni hpe hkan rem ai ni chyawm gaw, hprawng gat mat wa nna, dai mare hte kahtawng hkan e, dai shiga tsun shabra dat ma ai. Masha ni mung dai byin wa sai amu hpe hpu yu na matu pru sa wa ma ai.

MARKU 5:16

Dai lam mu chye ai ni mung, dai nat kap ai masha hte wa ni hta kaning rai byin sai lam masha ni e hkap hkai dan mu ai.

MARKU 5:18

Yesu dai li hta shang wa nga yang, nat kap lai wa sai wa gaw, “Ngai hpe nang kaw hkan nang shangun rit!,” ngu nna Yesu hpe hpyi nem wu ai.

MARKU 5:4

Law law lang shi a lagaw lata ni hpe hpri sumri hkang hkyihkyang ni hte gyit da yu mu ti mung, lang shagu hpri sumri ni hpe gang dut kau ai hte shi a lagaw na hkang hkyihkyang ni hpe agrawp malan kau wu ai. Shi n-gun nau ja ai majaw kadai mung shi hpe n shani la lu ma ai.

MARKU 5:9

Dai majaw Yesu gaw, “Na a mying hpa rai lit ta?,” ngu nna shi hpe san wu ai. Shi gaw, “Anhte law law wa rai nga ga ai majaw, nye a mying Legion rai nga li ai!,” ngu nna shi hpe htan wu ai.

LUKA 10:39

Dai numsha gaw, Mari ngu ai kanau langai mi lu ai, shi gaw dai Madu a lagaw nhpang e dung nga let, Madu a sharin shaga ai ga madat la nga ai.

LUKA 8:27

Yesu hkin-gau ntsa de pru lung wa yang, dai mare na nat kap ai masha langai mi sa tau la wu ai. Dai wa gaw aten na na wa hpun palawng n bu hpun ai hte, nta e mung n nga ai sha, lupwa lungpu ni hkan e nga nga ai.

KOLOSE 1:13

Shi gaw anhte hpe n hkru n kaja ai nsin a n-gun atsam kata kaw na hkye mawai la nna shi a tsaw ra ai Kasha a mungdan hta shashawn mi ai.

2 TIMOHTI 1:7

Hpa majaw nga yang, Karai Kasang anhte hpe jaw ai Wenyi e, anhte hpe hkrit agam ai myit jaw mi ai n rai; Dai Madu a Wenyi gaw anhte hpe n-gun atsam, tsaw ra myit hte tinang hkum hpe hkang la lu ai myit she jaw mi ai.

1 SAMUELA 16:4

Samuela mung dai Madu shi hpe tsun ai hte maren galaw nhtawm Betlehem mare de sa mat wa wu ai; dai yang e mare ningbaw ni gaw hkrit kajawng ai hte shi hpe sa hkrum let, “Myi san wa e, ndai gaw ngwi pyaw sim sa ai hte seng ai hkawm chyai lam rai nga a ni?,” ngu nna hkap san ma ai.