MARKU 5:13 - Jinghpaw Common Language Bible 2009

¹³ Shaloi shi shanhte hpe wa ni hta shang na ahkang jaw dat mu ai. N seng ai nat ni mung, masha wa kaw na pru wa nna wa ni hta shang ma ai. Wa wunawng ting yawng rai yang hkying lahkawng daram dai n-gam mahka kaw nna nawng de yawng rut gat ru bang nna marit si mat ma ai.

Jinghpaw Hanson Version Bible

¹³ Shaloi shi shanhte hpe ahkang jaw dat mu ai. N seng ai nat ni chyawm gaw, pru wa nhtawm wa ni hta shang ma ai rai nna, wa nawng gaw dai n-gam mahka kaw na nawng de rut gat bang wa nna, nawng hta e marit si mat ma ai: dai wa ni gaw hkying lahkawng daram rai nga ma ai.

MARKU 5:13 ပူးပေါင်းရင်းမြစ်များ

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

YOBA 1:12

Dai Madu gaw Satan hpe, “Rai sa, shi lu malu gaw na a lata hta rai nga lit dai, rai ti mung Yoba hpe nan chyawm gaw hkra lu na ndai n rai,” ngu nna tsun wu ai. Dai rai nna Satan pru mat wa wu ai.

YOBA 2:6

Dai rai nna, dai Madu gaw Satan hpe, “Rai sa, shi gaw na a lata hta rai nga ai; rai ti mung nang shi hpe sat kau lu na ndai n rai,” ngu nna tsun wu ai.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

MAHTE 8:32

Shi gaw, “Sa wa mu” ngu shanhte hpe ngu mu ai. Shing rai shanhte pru mat wa ma yang, shanhte dai wa ni hta shang wa ma ai rai nna, dai wa wunawng yawng hte gaw n-gam mahka kaw nna nawng de gat ru bang wa ma ai hte hka hta e marit si mat ma ai.

MARKU 5:12

Dai rai nna, n seng ai nat ni gaw, “Anhte dai wa ni hta shang lu u ga, shangun dat mi,” ngu nna Yesu hpe hpyi nem nu ai.

MARKU 5:14

Wa ni hpe hkan rem ai ni chyawm gaw, hprawng gat mat wa nna, dai mare hte kahtawng hkan e, dai shiga tsun shabra dat ma ai. Masha ni mung dai byin wa sai amu hpe hpu yu na matu pru sa wa ma ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.

SHINGRAN 20:7

Dai shaning hkying mi lai jang, Satan gaw htawng na raw dat ai hkrum na ra ai rai nna,

SHINGRAN 9:11

Shanhte hta, shanhte a ntsa e up hkang nga ai hkawhkam langai mi lu ma ai; Shi a mying Hebre ga hku Abadon rai nna, Grik ga hku Apolion (de a lachyum gaw, “Jahten sharun ai wa,”) ngu ai rai nga ai.