MARKU 5:12 - Jinghpaw Common Language Bible 2009

¹² Dai rai nna, n seng ai nat ni gaw, “Anhte dai wa ni hta shang lu u ga, shangun dat mi,” ngu nna Yesu hpe hpyi nem nu ai.

Jinghpaw Hanson Version Bible

¹² Dai rai nna, nat ni gaw, “Anhte dai wa ni hta shang lu u ga, shangun dat mi,” ngu nna shi hpe hpyi nem mu ai.

MARKU 5:12 ပူးပေါင်းရင်းမြစ်များ

YOBA 2:5

Rai ti mung, ya chyawm gaw shi a hkum shan hpe nang machyi shangun ai ngu ga-shi gaw nang hpe na a man e nan dagam kau na ra ai!,” ngu nna htang tsun wu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

MARKU 5:11

Ya dai kawng lanem hkan e, wa wunawng kaba langai mi kanaw sha nga ma ai.

MARKU 5:13

Shaloi shi shanhte hpe wa ni hta shang na ahkang jaw dat mu ai. N seng ai nat ni mung, masha wa kaw na pru wa nna wa ni hta shang ma ai. Wa wunawng ting yawng rai yang hkying lahkawng daram dai n-gam mahka kaw nna nawng de yawng rut gat ru bang nna marit si mat ma ai.

2 KORINHTU 2:11

Ngai ndai hku galaw ai gaw, Satan wa anhte hpe shawng n nyan sha kau u ga, galaw ai re. Hpa majaw nga yang Satan wa a hpaji daw ai lam hpe anhte n chye ga ai n rai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.