MARKU 4:7 - Jinghpaw Common Language Bible 2009

⁷ Nli tum nkau mi ju sumwum ni hta hkrat bang ai; ju hpun ni tu kaba wa nna dai hkai hpun ni hpe lim kau mu ai majaw hpa asi n si lu ai.

Jinghpaw Hanson Version Bible

⁷ Kaga gaw, ju hpun ni hta hkrat ai; ju hpun ni mung kaba wa nna, dai hpe lim kau mu ai majaw, asi n si lu ai.

MARKU 4:7 ပူးပေါင်းရင်းမြစ်များ

YEREMIA 4:3

Dai Madu gaw Yuda hte Yerusalem amyu masha ni hpe, “Jahkam da ai na a sun hkauna ni hpe shawt tawn u; na a nli tum ni hpe ju prang hkan hkum gat et.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MAHTE 13:7

Nli tum nkau mi gaw, ju hpun nhpang e hkrat nna, ju hpun ni tu kaba wa ai hte, dai hpe lim kau mu ai.

MAHTE 13:8

Rai ti mung nkau mi gaw ga kaja hta hkrat wa nna, asi si wa ai; nkau mi dang latsa, nkau mi kru shi, nkau mi sumshi mayat wa ai.”

MARKU 4:6

Dai hpang jan pru kahtet jang, krau mat wa nna ru sung sung n jung lu ai majaw, gade n na yang nyip si mat ma ai.

MARKU 4:8

Rai ti mung, nli tum nkau mi gaw, ga kaja hta hkrat nna, tu pru wa nhtawm kaba wa ai hte nkau mi htam sumshi, kaga ni kru shi, bai kaga ni latsa rai nna asi si mayat wa ai.”

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

LUKA 8:14

Ju sumwum ni hta hkrat ai nli tum ni gaw, mungga na la ai hpang aten na mat wa ai shaloi, ndai prat na myit ru myit tsang lam ni, sut lu sut su lam ni, pyaw daw tam ai lam ni hpring chyat bang wa nna lim kau ai majaw, ja kat ai asi galoi mung n si ai hte bung ai ni hpe ngu ai rai nga ai.

LUKA 8:7

Nkau mi gaw ju hpun ka-ang e hkrat nna, ju hpun ni hte rau tu kaba wa ai hte, dai hpe lim kau mu ai.