MARKU 4:5 - Jinghpaw Common Language Bible 2009

⁵ Nkau mi ga sau n law ai lungrawk ga ntsa hta hkrat wa nna, ga sau n htat ai majaw nli tum ni alawan sha tu pru wa ai.

Jinghpaw Hanson Version Bible

⁵ Kaga gaw, ga n law ai lung rawk ntsa e hkrat wa nna, ga n htat ai majaw ya sha tu pru timung,

MARKU 4:5 ပူးပေါင်းရင်းမြစ်များ

EZEKELA 11:19

Ngai gaw shanhte hpe salum nnan hte myit masin nnan jaw bang ya na nngai. Ngai gaw shanhte a ja la ai nlung salum hpe shaw kau ya nna madat mara ai salum shanhte hpe jaw bang ya na nngai.

EZEKELA 36:26

Ngai gaw myit masin ningnan hte wenyi nnan nanhte hpe jaw ya na nngai. Nanhte a ja la ai nlung salum hpe ngai shaw kau nna madat mara ai myit masin bang ya na nngai.

HOSEA 10:12

Ngai gaw, “Nanhte a matu lamu ga ningnan shawt nhtawm ding hpring ai hpe hkai mu. Ngai hpe kam sham nna shapraw ya na ra ai chyeju ni hpe shu la mu. Nanhte a Madu rai nga ai Ngai kaw kayin wa na nanhte a matu aten rai nga ai. Ngai sa nna nanhte a ntsa e shaman chyeju ru jaw na made ai.

AMO LAIKA (AMOS) 6:12

Gumra ni gaw lunghkrung ntsa hkan e gumlawt hkawm lu nga a ni? Kadai wa panglai hka hpe dumsu hte shawt lu a ni? Ti mung, nanhte gaw teng man rap ra ai tara hpe gung, jaw ai hpe shut ai de kayin kau nga myit dai.

MAHTE 13:20

Lungrawk hta gat ai nli tum gaw, dai mungga hpe na nna, shaloi jang kabu gara ai myit hte hta la wu ai.

MARKU 4:4

Ga hta nli gat dat wu yang, nkau mi lam ntsa hta hkrat nna, u ni sa nna dai hpe hta sha kau ma ai.

MARKU 4:6

Dai hpang jan pru kahtet jang, krau mat wa nna ru sung sung n jung lu ai majaw, gade n na yang nyip si mat ma ai.

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

LUKA 8:6

Nkau mi gaw nlung hkrai re ai ga ntsa e hkrat nna, tu pru wa yang, ga n madi nga ai majaw nyip si mat ma ai.