MARKU 4:41 - Jinghpaw Common Language Bible 2009

⁴¹ Shanhte mahtang hkrit kaba hte hkrit mat ma ai rai nna, “Ndai wa gaw kadai wa re ai i? Dai nbung hte hkaleng ni pyi shi a ga madat nga ma hka!,” nga nna shada da tsun shajang ma ai.

Jinghpaw Hanson Version Bible

⁴¹ Shanhte mahtang hkrit kaba hte hkrit nga nna, “Ndai wa gaw kadai wa re ai i? dai nbung hte nawng pyi shi a ga madat nga ma hka?” nga nna shada da tsun shajang ma ai.

MARKU 4:41 ပူးပေါင်းရင်းမြစ်များ

YOBA 38:11

Ngai gaw dai hpe, “Ndai kaw sha du, htawra kaw nna n lai lu! Ndai yang e na a n-gun kaba rawng ai hka leng ni sim mat lu na,” ngu nna tsun nngai.

SHAKAWN KUNGDAWN 89:7

Nang gaw chyoi pra ai ni a hpawng hta hkrit hkungga ai lam hkam la lu nga ndai; shanhte yawng hte gaw nang hpe mau mahka let tsap nga ma ai.

MALAHKI 2:5

“Ngai shanhte hpe ga sadi jaw ai nye a ga shaka gaw asak hte ngamu ngamai lam rai nga ai, dai gaw ngai shanhte hpe jaw ni ai, shaloi shanhte ngai hpe hkungga na mu ai. Ndai nhtoi ni hta, shanhte ngai hpe hkungga ai hte hkrit kamyin nga ma ai.

MAHTE 14:32

Shan dai li hta shang mat jang, dai nbung num mat wa ai.

MAHTE 8:27

Sape ni chyawm gaw mau mahka nga nna, “Ndai wa gaw kaning re ai wa rai nga a ta? Nbung hte hkaleng ni pyi shi hpe madat mara nga ma hka!,” nga shajang ma ai.

MARKU 4:40

Shaloi Yesu gaw shi a sape ni hpe, “Nanhte hpa majaw hkrit kajawng nga myit ta? Nanhte kam sham ai myit garai n rawng nga myit ni?,” ngu nna shanhte hpe tsun mu ai.

MARKU 5:1

Yesu hte shi a sape ni gaw Galile nawng wora hkran na Gerasa mung de shanhte du ma ai.

MARKU 5:33

Dai numsha chyawm gaw, shi hta gara hku hkam sha lu sai lam dum chye ai majaw, hkrit gari let sit sa nna, shi man e dingnyawm nhtawm teng ai lam yawng mayawng Yesu hpe tsun dan wu ai.

MARKU 7:37

Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.

LUKA 4:36

Dai majaw masha yawng gaw mau mahka nga ma ai rai nna, “Ndai ga gaw kaning nga ai ga re ai i? Daru magam ahkang hte mung, n-gun atsam hte mung, n san n seng ai nat ni hpe hkang dat yang shanhte pru mat wa ma ai,” nga nna shanhte shada da tsun hkat ma ai.

LUKA 8:25

Dai rai nna shi gaw, “Nanhte a makam masham kanang rai wa malit ta?,” ngu nna shi a sape ni hpe tsun mu ai. Shanhte chyawm gaw hkrit gari ai hte mau mahka mat nna, “Ndai masha wa gaw kadai wa re ai i? Nbung hte hkaleng ni pyi, shi mungga dat nna daru wu yang, dai ni madat nga ma hka!” nga nna shada da tsun shajang ma ai.

HEBRE 12:28

Dai rai nna anhte lu la ai mungdan gaw n shamu n shamawt lu ai rai nna, anhte Karai Kasang hpe chyeju dum nga ga. Anhte gaw chyeju dum let hkrit hkungga ai myit hte Madu sharawng awng na hku Karai Kasang hpe nawku daw jau nga ga.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

1 SAMUELA 12:24

Dai Madu a ga hpe madat mara nna, na a myit masin mahkra hte sadi sahka let shi hpe daw jau nga mu; nanhte a matu shi galaw dan nu ai amu kaba hpe adum nga mu.