MARKU 4:40 - Jinghpaw Common Language Bible 2009

⁴⁰ Shaloi Yesu gaw shi a sape ni hpe, “Nanhte hpa majaw hkrit kajawng nga myit ta? Nanhte kam sham ai myit garai n rawng nga myit ni?,” ngu nna shanhte hpe tsun mu ai.

Jinghpaw Hanson Version Bible

⁴⁰ Shaloi shi gaw, “Nanhte hpa majaw hkrit nga myit ta? Nanhte kamsham ai myit garai n rawng nga myit ni?” ngu nna shanhte hpe tsun mu ai.

MARKU 4:40 ပူးပေါင်းရင်းမြစ်များ

ESAIA 42:3

Shi gaw magaw ai mai-aw hpe shadaw na n rai, kachyi mi sha tu ai wan kawk hpe gawut sat na n rai. Shi gaw agrin nga ai teng man rap ra ai tara hpe yawng mayawng a man e shapraw dan na ra ai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

MAHTE 14:31

Shaloi jang Yesu gaw shi a lata ladawn nna, shi hpe dun la let, “Ai n kam ai wa e! Hpa majaw nang kam shut nga n ta?,” ngu nna shi hpe tsun wu ai.

MAHTE 16:8

Shing nga tsun nga ai hpe Yesu chye wu ai rai nna, “Ai n kam ai ni e, nanhte muk n gun ai lam hpe nanhte shada da hpa rai tsun bawng nga myit ta?

MAHTE 6:30

Karai Kasang hta kam sham ai myit n law ai masha baw e! Dai ni nga nna, hpawt de wan mang hta kabai bang kau ai nam na tsingdu hpe pyi Karai Kasang shing rai jahpun da ai rai yang gaw, dai hta grau nna nanhte hpe jahpun na myit dai n rai ni?

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

MARKU 4:41

Shanhte mahtang hkrit kaba hte hkrit mat ma ai rai nna, “Ndai wa gaw kadai wa re ai i? Dai nbung hte hkaleng ni pyi shi a ga madat nga ma hka!,” nga nna shada da tsun shajang ma ai.

LUKA 8:25

Dai rai nna shi gaw, “Nanhte a makam masham kanang rai wa malit ta?,” ngu nna shi a sape ni hpe tsun mu ai. Shanhte chyawm gaw hkrit gari ai hte mau mahka mat nna, “Ndai masha wa gaw kadai wa re ai i? Nbung hte hkaleng ni pyi, shi mungga dat nna daru wu yang, dai ni madat nga ma hka!” nga nna shada da tsun shajang ma ai.