MARKU 4:39 - Jinghpaw Common Language Bible 2009

³⁹ Dai majaw shi rawt tsap nna nbung hpe, “Atsin sim rai nga u!,” ngu nna hkang dat wu ai hte hkaleng ni hpe mung, “Sim mat u!,” ngu wu ai. Dai nbung num mat wa nna dai yang e akatsi sha rai mat wa ai.

Jinghpaw Hanson Version Bible

³⁹ Dai majaw shi rawt nna, nbung hpe daru wu ai hte, dai nawng hpe, “Atsin sim rai nga u,” ngu wu ai. Dai nbung mung num mat wa nna, a katsi sha rai mat wa ai.

MARKU 4:39 ပူးပေါင်းရင်းမြစ်များ

YOBA 38:11

Ngai gaw dai hpe, “Ndai kaw sha du, htawra kaw nna n lai lu! Ndai yang e na a n-gun kaba rawng ai hka leng ni sim mat lu na,” ngu nna tsun nngai.

SHAKAWN KUNGDAWN 107:29

Nbung laru hpe shi shazim kau ai hte, hka leng ni mung sim mat ma ai.

SHAKAWN KUNGDAWN 29:10

Dai Madu gaw sung ai hka ni hpe up nga ai; shi gaw htani htana hkawhkam hku up nga ai.

SHAKAWN KUNGDAWN 65:7

Nang gaw panglai hka ni a wu kadu ai nsen, hka leng ni a kashaw kashai ai nsen ni hte, amyu baw ni a rawt kabrawng ai hpe shazim kau nga ndai.

SHAKAWN KUNGDAWN 89:9

Nang gaw n-gun hte hpring ai panglai hka hpe up hkang nga ndai; de a ja la ai hka leng ni kabrawng wa tim, nang shazim kau nga ndai.

PRU MAT 14:16

Na a dawhkrawng sharawt nna panglai ntsa e ladawn dat u; shaloi dai hka gaw garan mat nna Israela amyu masha ni dai panglai hta hkun hkraw ai ga ntsa hku hkawm sa wa lu na mara ai.

PRU MAT 14:22

Israela amyu masha ni mung dai panglai hta lahkawng maga na hka shakum a lapran na hkun hkraw ai hkarang hku hkawm lai mat wa ma ai.

GA SHAGAWP 8:29

panglai hka ni hpe shi hkang da ai jarit hta lai nna, n rawt hta wa na matu, tsun da nu ai hte mungkan ga a npawt nhpang ni hpe shi gaw da ai shaloi, dai ni hta ngai nga nga ni ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

SHARUNG SHAYAWT 3:31

Dai Madu gaw matsan dum ai wa rai nga nna, anhte hpe htani htana kau da na ra ai n rai.

NAHUM 1:4

Shi panglai hka hpe daru ai hte hka gaw hkun hkraw mat a hka! Shi gaw hka nu ni hpe hkyet shangun nga ai. Bashan tsingdu pa ni kyip mat nna, Hkarmela Bum mung hkraw mat nga ai; Lebanon a nampan pu ni nyip mat nga ai.

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

MARKU 4:38

Yesu chyawm gaw li mai de bunghkum langai mi hkum nna yup pyaw taw nga ai. Sape ni gaw Yesu hpe jasu nna, “Sara e, anhte si wa hkyen nga ai hpe nang hpa n nawn nga n ni?,” ngu nna tsun mu ai.

MARKU 9:25

Yesu gaw shanhte hpang de shawa masha ni kahtep shani sa wa nga ma ai hpe mu wu yang, dai n seng ai nat hpe, “N chye shaga nna na lahpang ai nat e, ndai ma kaw na pru mat wa u. Htawm hpang e galoi mung bai hkum shang nit!, ngu nna ngai nang hpe hkang da de ai,” ngu wu ai.

LUKA 4:35

Shaloi Yesu gaw, “Atsin sha nga u, shi kaw na pru mat wa u,” ngu nna shi hpe daru kau wu ai. Dai rai nna nat gaw dai wa hpe shanhte a ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

LUKA 4:39

Shi gaw numsha a yupku makau e shang tsap nga let, dai hkali hpe numsha kaw na pru mat na hkang da wu ai rai nna, shi a hkali kawp mat ai, shaloi jang shi rawt nna shanhte hpe galaw daw mu ai.

LUKA 8:24

Sape ni Madu kaw sa nhtawm, “Madu e, Madu e, anhte si na sha rai saga ai,” ngu nna shi hpe jasu mu ai. Shaloi shi rawt nna, nbung hte hkaleng ni hpe daru kau wu ai, dai ni mung sim mat wa nna, dai yang e atsin sim rai nga ai.