MARKU 4:38 - Jinghpaw Common Language Bible 2009

³⁸ Yesu chyawm gaw li mai de bunghkum langai mi hkum nna yup pyaw taw nga ai. Sape ni gaw Yesu hpe jasu nna, “Sara e, anhte si wa hkyen nga ai hpe nang hpa n nawn nga n ni?,” ngu nna tsun mu ai.

Jinghpaw Hanson Version Bible

³⁸ Shi chyawm gaw, li mai de punghkum ntsa e, yup pyaw nga ai: shaloi shanhte shi hpe jasu nna, “Sara e, anhte mat mat na hpe, nang hpa n nawn nga nni?” ngu nna shi hpe tsun mu ai.

MARKU 4:38 ပူးပေါင်းရင်းမြစ်များ

ESAIA 63:15

Madu e, na a chyoi pra ai hte hpung shingkang hta shanu nga ai sumsing lamu kaw na anhte hpe gum yu mi. Anhte a matu na a galu kaba ai tsang ai myit gaw kanang rai nga a ta? Na a daru magam n-gun kanang rai nga a ta? Na a tsaw ra myit hte matsan dum ai myit kanang rai nga a ta? Anhte hpe hpa n nawn hkum rai et.

ESAIA 64:12

Madu e, ndai lam ni yawng hpe nang gaw hpa n galaw ai sha nga na wu ni? Nang gaw dai lam ni hpe hpa mung n galaw ai sha anhte hkam sharang lu ai hta jan nna anhte hpe nni nkri jahkrum na ngu nu ni?

SHARUNG SHAYAWT 3:8

Ngai gaw karum la hkrum na matu aja wa jahtau nngai, rai ti mung Karai Kasang madat ya nga ai n rai;

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MAHTE 8:25

Dai rai nna Sape ni shi kaw sa nhtawm jasu let, “Madu e, hkye la mi, anhte si na sha rai saga ai!,” ngu mu ai.

MARKU 4:37

Dai shaloi akajawng sha, nbung laru kaba ru wa nna hka leng ni hta kaput bang wa ai a majaw dai li hta hka hpring wa magang nga ai.

MARKU 4:39

Dai majaw shi rawt tsap nna nbung hpe, “Atsin sim rai nga u!,” ngu nna hkang dat wu ai hte hkaleng ni hpe mung, “Sim mat u!,” ngu wu ai. Dai nbung num mat wa nna dai yang e akatsi sha rai mat wa ai.

LUKA 8:24

Sape ni Madu kaw sa nhtawm, “Madu e, Madu e, anhte si na sha rai saga ai,” ngu nna shi hpe jasu mu ai. Shaloi shi rawt nna, nbung hte hkaleng ni hpe daru kau wu ai, dai ni mung sim mat wa nna, dai yang e atsin sim rai nga ai.

YAWHAN 4:6

Dai yang e Yaku a hka htung nga nga ai. Yesu gaw lam hkawm ba ai majaw, dai hka htung makau e dung nga ai. Dai aten gaw shani ka-ang hkying shi lahkawng daram hta rai nga ai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.

1 PETRU 5:7

Nanhte a myit tsang ai nlang hte hpe shi hta kabai ap da mu; hpa majaw nga yang shi gaw nanhte hpe lanu lahku tsang ya nga ai.