MARKU 4:36 - Jinghpaw Common Language Bible 2009

³⁶ Dai rai nna shanhte gaw, shawa masha ni hpe kau da nhtawm Yesu shang dung nga sai li de sape ni shang nna shi hpe shanhte woi rap sa wa ma ai. Li kaga ni mung lawm nga ma ai.

Jinghpaw Hanson Version Bible

³⁶ Dai rai nna, shawa masha ni hpe kau da nhtawm, shi kaman nga ai hte maren, shanhte gaw shi hpe li hta e jashawn la mu ai; li kaga mung shi hte rau naw lawm ma ai.

MARKU 4:36 ပူးပေါင်းရင်းမြစ်များ

MAHTE 8:23

Yesu gaw li langai mi hta shang wu ai. Shi a sape ni mung shi kaw hkan nang sa ma ai.

MARKU 3:9

Shawa masha ni grai law nga ma ai rai nna Yesu gaw shi hpe n ahtu hkra mu ga nga, sape ni hpe shi a matu li kaji langai mi san shajin tawn da ya na hkang da wu ai.

MARKU 4:1

Bai Yesu gaw Galile Nawng makau e sharin shaga hpang wu ai. Shi kaw sa hpawng shinggrup nga ai shawa masha ni law la nga ma ai majaw, shi gaw nawng na li langai mi hta shang nna dai hta e dung nga ai. Shawa masha ni Yesu shaga ai nsen na lu na daram li hpe hkin-gau hte jahka tawn nna, shawa masha ni gaw nawng makau hkarang ntsa e nga nga ma ai.

MARKU 4:37

Dai shaloi akajawng sha, nbung laru kaba ru wa nna hka leng ni hta kaput bang wa ai a majaw dai li hta hka hpring wa magang nga ai.

MARKU 5:2

Yesu li kaw na pru wa ai shaloi jang, n seng ai nat kap ai masha langai mi gaw lup lungpu hkan nga hkawm ai kaw na pru nhtawm Yesu hpe sa tau wu ai. Dai masha wa hta n seng ai nat rawng nga ai rai nna,

MARKU 5:21

Yesu hte sape ni gaw hka nawng a wora hkran de bai rap mat wa ma ai. Dai nawng makau de masha wunawng kaba shi kaw sa hpawng ma ai.

MARKU 6:32

Dai rai nna shanhte hkrai li langai mi hte machyi shim ai shara langai mi de pru sa wa ma ai.

LUKA 8:22

Lani mi hta, shi gaw shi a sape ni hte rau li langai mi hta shang nna, “Anhte nawng wora hkran de rap sa wa ga,” ngu nna shanhte hpe tsun mu ai. Shaloi shanhte rap sa wa magang ma ai.