MARKU 4:32 - Jinghpaw Common Language Bible 2009

³² Gade n na ai hpang, dai gaw tu kaba wa nna shat mai hpun amyu ni mahkra hta grau kaba wa ai. Dai gaw lakung lakying kaba ni gungdam pru wa nna, ntsa malen u ni sa nhtawm de a shingnip hta e shanhte a tsip ni hpe tsip da ma ai,” ngu nna tsun mu ai.

Jinghpaw Hanson Version Bible

³² gat dat ai hpang, tu wa nna, shatmai lap amyu mahkra hta grau kaba wa ai hte, lakung lakying kung dam wa nna, ntsa malen u ni de a shingnip hta e shingbyi nga lu ma ai,” ngu mu ai.

MARKU 4:32 ပူးပေါင်းရင်းမြစ်များ

SHAKAWN KUNGDAWN 104:12

Ntsa malen u ni mung dai ni a makau mayang hkan tu nga ai hpun ni hta; atsip tsip let, mahkawn gashai nga ma ai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

Shawlumon A Mahkawn Ga 2:3

Maling htinggram hpun ni a lapran tu ai ja magaw hpun langai zawn, ngai tsaw ra dik htum ai wa mung kaga lasha ni hte shadawn dingdaw lu nga ai. de a asi gaw nye a namchyim hta dwi nga ai rai nna, de a shingnip hta dung nga na ngai tsaw nngai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

SHARUNG SHAYAWT 4:20

Shanhte gaw dai Madu lata san da sai anhte a asak hka hpawk rai nga ai, Anhte hpe shang gasat ai hpyen shagu a lata kaw na anhte hpe makawp maga la na matu, anhte kam hpa nga ai dai hkawhkam wa hpe mung rim la ma ai.

EZEKELA 17:23

Israela a tsaw htum ai bum ntsa e mung hkai da na nngai. Dai gaw lakung lakying ni kra wa nhtawm asi si ai hte reng htum ai arit hpun tai na ra ai. U amyu shagu mung dai hpun hta sa shanu na mara ai lakung lakying ni a shingnip ni hta pyen dung shara mu tam na mara ai.

MAHTE 13:32

Dai gaw tum baw shagu hta kaji htum rai nga ti mung, kaba wa jang kaga hpun bawng ni hta grau kaba wa lu ai rai nna, hpun tai wa ai hte ntsa malen u ni mung, de a lakung lakying ni hta utsip tsip lu ma ai,” ngu mu ai.

MARKU 4:31

Dai gaw ndai hte bung nga ai. Mungkan hta kaji htum ai nli tum rai nga ai chyinghkrang tum langai mi hpe masha langai mi e la nna ga hta gat dat wu ai.

MARKU 4:33

Yesu gaw shanhte matsing lu ai made ndai zawn re ai kaga ga shadawn ni law law hte masha ni hpe shi a mungga hkaw tsun dan mu ai.