MARKU 4:28 - Jinghpaw Common Language Bible 2009

²⁸ Aga gaw shi hkrai shi hpun hpe, tu kaba wa nna asi si shangun nga ai: shawng nnan maku ku pru wa ai hpang htingkyang, dai hpang htingkyang hta mam nsi hkrai hpring tup wa shangun ai.

Jinghpaw Hanson Version Bible

²⁸ Aga gaw shi hkrai asi si wa ai hte, shawng e maku, hpang e htingkyang, dai hpang htingkyang hta e mam nsi hkum wa shangun ai.

MARKU 4:28 ပူးပေါင်းရင်းမြစ်များ

NINGPAWT NINGHPANG 2:9

Dai sun hta tsit lali tsawm ai hpun amyu myu hpe shi tu shangun ai hte dai hta ja kat ai asi ni hpe mung si shangun nga ai. Dai sun a ka-ang e, asak jahkrung ya ai hpun hte kaja ai hte n kaja ai lam mahkra hpe chye ginhka shangun ai hpun mung tu nga ai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

HPAJI NINGLI 3:1

Ndai mungkan hta byin ai lam yawng mayawng gaw Karai Kasang lata ai aten ladaw hta byin nga ai.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

MAHTE 13:26

Ya dai mam tu wa nna asi si jang, tsing mung dan pru wa ai.

MARKU 4:27

Shi gaw, nli gat da ngut nna, shana yup, shani rawt rai nga ai. Dai laman gade nna yang, nli tum ni gaw maku ku nna tu kaba wa ai. Rai ti mung dai gara hku byin wa ai hpe shi n chye wu ai.

MARKU 4:29

Mam myin jang, nmut ta du sai majaw, shi gaw dai hpe nhkyau hte dan la hpang wu ai, ngu nna tsun mu ai.

HPILIPI 1:6

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.