MARKU 4:17 - Jinghpaw Common Language Bible 2009

¹⁷ Rai ti mung shanhte hta ru sung hkra n jung nga ai majaw, shanhte na na n grin ma ai. Dai mungga a majaw ru yak jam jau, shing n rai zingri zingrat ai lam hkrum hkra wa ai shaloi jang shanhte kataw mat ma ai.

Jinghpaw Hanson Version Bible

¹⁷ rai timung, shanhte hta ru n jung nga ai rai nna, tawng marang mi sha nga nga ma ai: dai hpang, dai mungga a majaw ru tsang ai hte zingri zingrat hkrum ai shaloi jang, shanhte myit kataw wa ma ai.

MARKU 4:17 ပူးပေါင်းရင်းမြစ်များ

YOBA 19:28

“Anhte shi hpe kaning rai zingri lu na ga ta?,” ngu nna tsun myit dai. nanhte gaw ngai hpe gasat na ginjang tam myit dai.

MAHTE 11:6

Ngai hta myit kataw ai lam n mu ai wa kadai mung, a lu nga ai,” ngu mu ai.

MAHTE 12:31

Dai majaw ngai nanhte hpe teng teng tsun made ga, yubak hte shatan nhkan ga amyu myu hpe masha kaw na raw dat kau lu na lam hku nga ai; rai ti mung, Wenyi hpe shatan nhkan ai ga a matu gaw mara raw dat kau lu na lam n nga ai.

MAHTE 13:21

Rai ti mung kraw hta e ru sung sung n jung ai majaw, shanhte na na n grin ma ai. Shing rai dai mungga a majaw ru tsang ai hte zingri zingrat hkrum jang kalang ta htak mat ai ni hte bung nga ai.

MARKU 4:16

Bai masha nkau mi gaw, lung rawk ga ntsa e hkrat ai nli tum ni hte bung nga ai. Mungga hpe na la ai shaloi jang, dai hpe kabu gara hkap la ma ai.

MARKU 4:18

Bai masha nkau mi gaw, ju sumwum ni hta hkrat bang ai nli tum ni hte bung nga ai. Shanhte gaw dai mungga hpe na la lu ma ai.

LUKA 12:10

“Dai Masha Kasha hpe n gup aga hte shut kau ai wa kadai hpe mung mara raw dat ya lu nga ai. Rai ti mung, dai Chyoi Pra ai Wenyi hpe n hkru n kaja ai ga hte tsun shatan ai wa kadai hpe mung mara raw kau ya lu na n rai.

YAWHAN 8:31

Dai re ai majaw Yesu gaw shi hpe kam sham ai masha ni hpe, “Nanhte gaw ngai hkaw tsun sharin shaga ai ga hpe madat mara hkan sa myit yang gaw, nye a sape ni teng teng nanhte rai nga myit dai.

GALATI 6:12

Matu gadoi hkam la na matu nanhte hpe adip arip di nna shangun ai masha ni gaw, shinggan masat maka kumla ni a matu arawng mala madun sha ai ni rai ma ai. Rai ti mung shanhte shing rai galaw ai lam gaw Hkristu a wudang a majaw zingri zingrat ai hkrum na hpe tsang ai majaw rai nga ai.

2 TIMOHTI 1:15

Nang chye nga ndai hte maren, Hpugelu yan Heramoge hte hpawn Asi kaji mung e nga ai ni yawng ngai hpe kau da mani ai.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

2 TIMOHTI 4:16

Shawng na lang ngai je yang hkrum ai ten hta nye a hkum hpe ngai tsun makawp maga ai shaloi ngai hpang maga tsap nna kadai mung n sa madi shadaw lawm ma ai. Masha yawng gaw ngai hpe kabai kau da mi ai. Karai Kasang gaw shanhte ning rai galaw ai a majaw mara n tai u ga;

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.