MARKU 4:16 - Jinghpaw Common Language Bible 2009

¹⁶ Bai masha nkau mi gaw, lung rawk ga ntsa e hkrat ai nli tum ni hte bung nga ai. Mungga hpe na la ai shaloi jang, dai hpe kabu gara hkap la ma ai.

Jinghpaw Hanson Version Bible

¹⁶ Dai hte maren, dai lung rawk hta gat da ai hte gaw, dai mungga hpe na la ai, shaloi jang, kabu gara ai myit hte hta la ai ni rai ma ai:

MARKU 4:16 ပူးပေါင်းရင်းမြစ်များ

MAHTE 13:5

Nkau mi gaw ga n law ai lungrawk hta e hkrat wa ai: ga n htat ai majaw ya jang tu pru wa ti mung,

MARKU 4:15

Masha nkau mi gaw lam hkan e hkrat taw ai nli tum ni hte bung nga ma ai, shanhte dai mungga hpe na la ai shaloi jang, Satan wa sa du nna shanhte hta gat da ai mungga hpe shaw la kau ya mu ai.

MARKU 4:17

Rai ti mung shanhte hta ru sung hkra n jung nga ai majaw, shanhte na na n grin ma ai. Dai mungga a majaw ru yak jam jau, shing n rai zingri zingrat ai lam hkrum hkra wa ai shaloi jang shanhte kataw mat ma ai.

MARKU 6:20

Yawhan gaw, ding hpring ai hte chyoi pra ai wa rai nga ai hpe Herod chye wu ai majaw, shi hpe hkrit kamyin ai hte makawp maga nga ai. Herod gaw Yawhan a sharin shaga ai ga na lu ai ten shagu shi a myit hta grai ung ang shangun ai rai tim, shi a ga na la na grai ra nga ai.

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

KASA 26:28

Hkawhkam Agripa gaw Pawlu hpe, “Ndai aten kadun mi laman hta sha ngai hpe Hkristan shatai la lu na zawn nawn da wu ni?,” ngu wu ai.

KASA 8:13

Simun shi nan mung kam sham wa nna hkalup hkam la ngut jang Hpilip kaw hkan nang nga ai. Lamik kumla hte mauhpa amu kaba ni galaw dan ai hpe shi mu yang mau mahka mat nga ai.