MARKU 4:15 - Jinghpaw Common Language Bible 2009

¹⁵ Masha nkau mi gaw lam hkan e hkrat taw ai nli tum ni hte bung nga ma ai, shanhte dai mungga hpe na la ai shaloi jang, Satan wa sa du nna shanhte hta gat da ai mungga hpe shaw la kau ya mu ai.

Jinghpaw Hanson Version Bible

¹⁵ Lam makau e mungga hpe gat da nna, taw nga ai hte chyawm gaw, dai mungga hpe na la ai shaloi jang, Satan gaw sa du nna, shanhte hta gat da ai mungga hpe shaw la kau ai ni hpe, ang nga ai.

MARKU 4:15 ပူးပေါင်းရင်းမြစ်များ

NINGPAWT NINGHPANG 19:14

Dai hpang Lawt gaw shi a shayi sha ni hpe la na hkyen ai kahkri ni hpang de sa nhtawm, “Alawan rawt manu, ndai shara kaw nna pru mat wa manu; dai Madu gaw ndai shara hpe jahten kau na nu ai,” ngu nna tsun dan wu ai. Rai ti mung, shi shatu nga ai ngu nna shanhte myit nawn ya mu ai.

ESAIA 53:1

Amyu masha ni gaw, “Anhte ya htawn tsun ai shiga hpe kadai wa kam nga sata? Ndai amu hta dai Madu a lata hpe kadai mu lu sata?

ZEHKARIA 3:1

Dai Madu gaw ngai hpe kaga shingran hta Hkinjawng Kaba Yawshu dai Madu a lamu kasa a man e tsap nga ai hpe madun dan nga ai. Yawshu a makau e, shi hpe mara shagun na matu Satan wa tsap nga ai.

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

MAHTE 22:5

Rai ti mung shaga da hkrum ai manam ni gaw, dai ga hpe hpa n nawn mu ai rai nna, langai wa gaw shi hkauna de, kaga wa gaw shi a gat rai dut ai de sa mat wa ma ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MARKU 4:14

Nli gat ai wa gaw Karai Kasang a mungga hpe gat nga ai

MARKU 4:16

Bai masha nkau mi gaw, lung rawk ga ntsa e hkrat ai nli tum ni hte bung nga ai. Mungga hpe na la ai shaloi jang, dai hpe kabu gara hkap la ma ai.

MARKU 4:4

Ga hta nli gat dat wu yang, nkau mi lam ntsa hta hkrat nna, u ni sa nna dai hpe hta sha kau ma ai.

LUKA 8:12

Lam makau e hkrat ai nli tum ni gaw, mungga na la ai hpang, kam sham ai hte hkye hkrang la ai kaw n du lu mu ga, dai mungga hpe shanhte a kraw lawang ni kaw na nat e shaw la kau ya ai hkrum ai ni hpe ngu ai rai nga ai.

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

KASA 5:3

Petru gaw “Anani e, hpa majaw nang gaw Satan wa hpe na myit masin up madu na ahkang jaw ai hte ga dachyawk dut nna lu ai gumhpraw nkau mi tinang a matu ip la ai hku nna dai Chyoi Pra ai Wenyi hpe masu kau n ta?

2 KORINHTU 2:11

Ngai ndai hku galaw ai gaw, Satan wa anhte hpe shawng n nyan sha kau u ga, galaw ai re. Hpa majaw nga yang Satan wa a hpaji daw ai lam hpe anhte n chye ga ai n rai.

2 HTESALONI 2:9

Dai N hkru Ai Wa gaw Satan a n-gun atsam hte du sa na ra ai rai nna masu ai lamik kumla amyu myu hte mauhpa amu ni hpe galaw dan na ra ai.

HEBRE 12:16

Lai kyang n kaja nna wenyi makam masham n rawng ai hte shat ma mi a matu sha shi a hpu lat aya dut sha kau ai Esaw zawn, nanhte kadai hta mung n byin u ga, sadi nga mu.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 20:10

Dai hpang, shanhte hpe hkalem ai Nat mung, wan hte kan grung ai nawng hta jahkrat bang kau ai hkrum wu ai. Dai yang e, dai matse labye hte dai masu ai myihtoi mung, shawng kaw nna rawng nga ma ai. Shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:7

Dai shaning hkying mi lai jang, Satan gaw htawng na raw dat ai hkrum na ra ai rai nna,