MARKU 4:10 - Jinghpaw Common Language Bible 2009

¹⁰ Yesu shi hkrai sha rai nga yang, shi a lam na lu ai masha nkau mi gaw sape shi lahkawng hte hte rau, Yesu kaw sa nna ga shadawn ni a lam san mu ai.

Jinghpaw Hanson Version Bible

¹⁰ Dai hpang shi hkrai sha rai nga yang, shi hte rau nga ai ni hte sape shi lahkawng gaw, dai ga shadawn a lam shi hpe san mu ai.

MARKU 4:10 ပူးပေါင်းရင်းမြစ်များ

GA SHAGAWP 13:20

Hpaji rawng ai wa hte kanawn nga u, shaloi, nang hpaji rawng wa na ra ai; angawk ai masha ni hte nang jinghku galaw ai rai yang, hten byak ai nang hkrum na ra ai.

MAHTE 13:3

Shaloi, lam law law hpe ga shadawn ni hte shi shanhte hpe tsun mu ai gaw, “Kalang mi na masha langai mi gaw, nli gat na matu pru sa wa ai.

MAHTE 13:36

Dai hpang Yesu gaw shawa masha ni kaw na pru mat wa nna nta hta e shang mat wa ai. Shaloi shi a sape ni shi kaw sit sa wa nna, “Hkauna hta e tu ai tsing ga shadawn a lam, anhte hpe htai dan mi,” ngu mu ai.

MARKU 4:11

Yesu gaw, “Nanhte gaw Karai Kasang a Mungdan hte seng ai, mauhpa sung htum ai makoi magap da ai lam ni hpe chye lu ai ahkang lu myit dai. Rai ti mung, shinggan de nga ai ni chyawm gaw hpa lam ni hpe mung, ga shadawn hku sha na la lu ma ai.

MARKU 4:34

Ga shadawn hte n rai yang gaw shi shanhte hpe hpa mung n tsun dan yu ai rai ti mung shi a sape ni hte rau shanhte hkrai rai nga ai ten hta, lam shagu shanhte hpe lachyum hpyan dan mu ai.

MARKU 4:9

Bai shi gaw, “Madat mu, na la na na tu ai wa gaw na la u ga,” ngu nna tsun hpungdim wu ai.

MARKU 7:17

Yesu gaw shawa masha ni hte hka nna nta de shang wa yang shi a sape ni, dai ga shadawn lachyum hpa re ai lam san ma ai,