MARKU 3:8 - Jinghpaw Common Language Bible 2009

⁸ dai hta n-ga, dai Yerusalem mare Idumea mung hte Yawdan hka sinpraw hkran na ni hte, Turu hte Sidon mare ni a grup yin ginwang hkan na masha wunawng wuwa ni yawng shi galaw dat ai amu lam ni hpe na ma ai majaw Yesu hpang de sa du ma ai.

Jinghpaw Hanson Version Bible

⁸ dai hta n-ga Yuda mung hte Yerusalem mare na, Idumia mung hte, Yawdan hka wora hkran na ni hte, Turu hte Sidun ginwang hkan na masha wunawng wuwa, shi galaw dat ai amu a lam hte hpe, na ma ai rai nna, shi hpang de sa du ma ai.

MARKU 3:8 ပူးပေါင်းရင်းမြစ်များ

SHAKAWN KUNGDAWN 45:12

Turu amyu masha ni nang hpe kumhpaw kumhpa sa jaw na mara ai; sut su ai ni mung na a myi man tam wa na mara ai.

SHAKAWN KUNGDAWN 87:4

“Nye a ga hpe madat mara ai mungdan ni a jahpan hpe hta ai shaloi, Egutu mung hte Babelon yan hpe ngai shalawm la na ring ngai; Hpilisti, Turu hte Sudan amyu masha ni hpe, Yerusalem mare masha jahpan hta ngai sawn bang ya na nngai.”

ESAIA 34:5

Dai Madu gaw sumsing lamu hta shi a nhtu hkyen lajang da nu ai, ya chyawm gaw dai hte Edom mung hte jahten kau na matu shi daw dan kau nu ai masha ni hpe adup kayat na ra ai.

EZEKELA 35:15

Ngai madu tawn ai Israela a hten run ai hpe nang yu kabu nga ndai hte maren, Seira bum ni e, rai sa, Edom mungdan yawng gaw katsi katsang shara tai mat na ra ai. Masha shagu hte gaw ngai nan dai Madu rai nga nngai hpe chye lu na mara ai,” ngu nna tsun wu ai.

EZEKELA 36:5

“Grup yin masha amyu baw ni, grau nna Edom amyu masha ni hpe hkap daw na, Tsaw Htum ai dai Madu ngai nan nye a sindawng kahtet ai myit hte tsun shapraw dat ni ai. Shanhte gaw nye a mungdan hpe kabu gara ai myit hte mung, pagawn mi n gawn n sawn re ai myit hte mung ka-up la nna dai mung na udat shara ni hpe madu la nga ma ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

MAHTE 4:25

Shing rai, Galile mung hte Dekapoli mung, Yerusalem mare hte Yawdan hka wora hkran na masha wunawng wuwa kaba shi kaw hkan nang ma ai.

MARKU 7:24

Shaloi dai yang na shi pru mat wa nna Turu mare makau lamu ga shara hkan du pru sa wa ai. Nta langai mi hta e shi shang nna, shi dai kaw nga ai lam marai langai ngai chye kau na shi n ra nga ai, rai ti mung shi makoi nga lu ai n rai.

MARKU 7:31

Dai hpang Yesu gaw Turu buga jarit kaw nna pru wa yang, Sidon hpe mung, mare shi a lamu ga ngu ai Dekapoli ginwang ka-ang hku ga lai di sa wa nhtawm, Galile nawng de sa du ma ai.

LUKA 6:17

Kasa ni hte rau bum ntsa kaw na yu wa nna, layang e shi a sape hpung kaba hte rau tsap nga ai shaloi, Yuda mung ting hte Yerusalem mare na mung, nammukdara makau na Turu hte Sidon kaw na mung, masha wunawng wuwa kaba sa hpawng nga ma ai.

YAWSHU 15:1

Yuda amyu bawsang hta na lakung lama ni lu la ai lamu ga sali gaw lawu de na hte maren rai nga ai. Dai lamu ga gaw dingda maga de Edom lamu ga jarit hte htep rai nga ai Zin nam mali dingda jahtum du hkra rai nga ai.

YAWSHU 15:21

Edom lamu ga jarit hte htep, dingda jahtum na shanhte madu la lu ai mare ni gaw Kabzela, Edera, Yagura,