MARKU 3:5 - Jinghpaw Common Language Bible 2009

⁵ Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

Jinghpaw Hanson Version Bible

⁵ Shanhte chyawm gaw, atsin sha rai nga ma ai. Shing rai shanhte a myit ja ai majaw, shi myit yawn nna, masin pawt let shanhte hpe grup yin yu nhtawm, “Na a lata ladawn u,” ngu nna dai wa hpe tsun wu ai. Shi mung ladawn nna, shi a lata mai mat lu ai.

MARKU 3:5 ပူးပေါင်းရင်းမြစ်များ

NINGPAWT NINGHPANG 6:6

shi shanhte hpe hpan da nna ginding aga ntsa e shanu nga shangun ai hpe shi a kraw lawang e yawn nga ai.

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

NEHEMIA 13:8

Ngai gaw masin yu kahtet ai hte Tobia madu tawn ai arung arai ni yawng hpe htawm shapraw kau ya nngai.

SHAKAWN KUNGDAWN 95:10

Ngai gaw mali shi ning tup, dai amyu masha ni hpe n yu ra mat nngai. ‘Shanhte gaw kade wa sadi n dung nga ma hka! shanhte gaw nye a hkang da ai tara ni hpe ndang kau ai ni rai ma ai.’

MAHTE 12:13

Shaloi shi gaw dai wa hpe, “Na lata ladawn u,” ngu wu ai. Dai wa gaw lata hpe ladawn dat wu yang, maga mi na zawn majing rai mai mat lu ai.

MARKU 3:4

Dai hpang shi gaw masha ni hpe, “Anhte a tara hta Bansa Nhtoi e hpa galaw mai ai nga nna ahkang jaw da a ta? Karum la na matu, shing n rai jam jau jaw na matu kun? Masha langai mi a asak hkye la na, shing n rai sat kau na matu kun?,” ngu nna san wu ai. Rai ti mung shanhte gaw hpa langai mi mung n tsun ma ai.

LUKA 13:15

Shaloi, dai Madu gaw shi hpe, “Sawt ai masha ni nanhte hta na kadai mung, Bansa Nhtoi e tinang a dumsu, lawze ni hpe ntsin shayaw na matu wulawng kaw na raw dat nna woi sa ga myit dai.

LUKA 17:14

Yesu shanhte hpe mu jang, “Hkinjawng ni nanhte hpe jep yu mu ga, sa wa mu,” ngu nna shanhte hpe tsun dat mu ai. Shanhte lam e wa nga yang pyi san pra mat ma ai.

LUKA 6:10

Madu gaw, dai masha ni yawng hpe mada shinggrup yu nna, dai masha wa hpe, “Na a lata ladawn u,” ngu wu ai; shi mung ladawn nna, shi a lata gaw mai mat lu ai.

YAWHAN 9:7

“Silum hka lawng de sa kashin su,” ngu nna shi hpe tsun dat wu ai. Dai hte maren sa kashin nna myi mu ai hte bai wa ai. (Silum ngu ai a lachyum gaw “shangun dat ai,” rai nga ai.)

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

2 KORINHTU 3:14

Israela amyu masha ni a myit masin ni gaw kaja wa pat shinggang da nga malu ai. Dai ni du hkra pyi gaw ga shaka dingsa laika ni hpe hti ai ten shagu shanhte a myit masin ni hpe man magap dai hte naw magap htinggrum nga malu ai. Masha langai mi gaw Hkristu hta asak hkrung ai shaloi she dai man magap hpe gun kau lu nga ai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

EHPESU 4:26

Nanhte masin pawt yang dai pawt ai myit hpe yubak hkum galaw shangun myit; jan du hkra mung hkum pawt nga myit.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

HEBRE 3:10

Dai re ai majaw ngai nanhte hpe pawt bu nna, ‘Shanhte galoi mung sadi n dung ai hte nye a hkang da ai ga ni hpe n hkan sa ma ai ngu nna ngai tsun mawe ai.’

HEBRE 3:17

Shaning mali shi ning tup Karai Kasang a pawt sindawng ai hkrum sha ai ni gaw kadai ni rai ma ta? Dai ni gaw, yubak mara galaw nna nam mali e kadang si mat ai ni rai nga ma ai.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

SHINGRAN 6:16

Shanhte gaw bum ni hte lunghkrung ni hpe shaga nna, “Anhte a ntsa e hkrat bun mi, tingnyang hta dung nga ai wa a myi man hte Sagu Kasha a pawt bu ai hta na, anhte hpe magap maga la mi!

TARA AGYI 10:16

Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.

1 SAMUELA 20:34

Yonahtan pawt bu ai hte sha ku kaw na rawt mat wa let dai lahkawng ning ngu na Shata Praw na Poi e hpa mung n sha ai sha nga nga wu ai. Shawlu gaw shi hpe kaya jahkrum kau wu ai majaw Dawi a matu dik hkra shi myit yawn da wu ai.