MARKU 3:4 - Jinghpaw Common Language Bible 2009

⁴ Dai hpang shi gaw masha ni hpe, “Anhte a tara hta Bansa Nhtoi e hpa galaw mai ai nga nna ahkang jaw da a ta? Karum la na matu, shing n rai jam jau jaw na matu kun? Masha langai mi a asak hkye la na, shing n rai sat kau na matu kun?,” ngu nna san wu ai. Rai ti mung shanhte gaw hpa langai mi mung n tsun ma ai.

Jinghpaw Hanson Version Bible

⁴ Bai, shi shanhte hpe, “Laban nhtoi hta e, kaja ai amu galaw na, n kaja ai amu galaw na, masha asak hpe hkye la na, shing n rai sat kau na, gara mahtang mai galaw na a kun?” ngu mu ai.

MARKU 3:4 ပူးပေါင်းရင်းမြစ်များ

HOSEA 6:6

Ngai gaw nanhte a yam nga shagu hkungga ni hpe n rai, nanhte a dinggrin tsaw ra myit hpe ra nngai. Ngai gaw nye a matu wan nat hkungga nawng ya na hta amyu masha ni ngai hpe chye na mahtang ngai grau nna hkam la mayu nga nngai.

MARKU 3:3

Yesu gaw dai masha hpe, “Shawa hpawng a man de sa pru tsap rit,” ngu nna tsun wu ai.

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

MARKU 9:34

Rai ti mung shanhte atsin sha nga ma ai, hpa majaw nga yang, shanhte hta na kadai wa mahtang grau kaba ai wa rai nga ai kun? nga nna lam hkan e shanhte shada da tsun dangrang hkat nga ma ai.

LUKA 6:9

Shaloi Yesu gaw, “Ngai nanhte hpe san yu made ga, anhte a tara hta, Bansa Nhtoi e hpa baw galaw mai ai ahkang jaw da a ta? Kaja ai amu galaw na, n kaja ai amu galaw na, Masha asak hpe hkye la na, shing n rai, jahten na, gara mahtang mai galaw na a kun?,” ngu nna shanhte hpe tsun mu ai.