MARKU 3:3 - Jinghpaw Common Language Bible 2009

³ Yesu gaw dai masha hpe, “Shawa hpawng a man de sa pru tsap rit,” ngu nna tsun wu ai.

Jinghpaw Hanson Version Bible

³ Shaloi shi gaw dai lata katsing si ai wa hpe, “Ka-ang e rawt tsap u,” ngu nna tsun wu ai.

MARKU 3:3 ပူးပေါင်းရင်းမြစ်များ

ESAIA 42:4

Shi gaw myit mada shara, nden marai shamat kau na ra ai n rai; shi gaw ginding aga ntsa e teng man rap ra ai tara shagrin da na ra ai. Sumtsan mung na ni gaw shi a sharin shaga ga hpe sharawng awng ai myit hte ala nga ma ai,” ngu nna tsun ai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

MAHTE 12:10

Ya dai tara jawng hta lata katsing si ai masha langai mi nga ai. Dai kaw masha nkau mi mung nga ma ai rai nna, shanhte gaw Yesu hpe mara shagun mayu mu ai majaw, Bansa Nhtoi hta e mai shamai ya a ni? ngu nna shi hpe san mu ai.

MARKU 3:2

Dai yang e Yesu hpe tara n hkan ai ngu nna mara shagun mayu ai masha nkau mi nga ma ai rai nna, Bansa Nhtoi hta dai wa hpe shamai ya na ra ai kun?, nga nna htep kaw nna la yu nga ma ai.

MARKU 3:4

Dai hpang shi gaw masha ni hpe, “Anhte a tara hta Bansa Nhtoi e hpa galaw mai ai nga nna ahkang jaw da a ta? Karum la na matu, shing n rai jam jau jaw na matu kun? Masha langai mi a asak hkye la na, shing n rai sat kau na matu kun?,” ngu nna san wu ai. Rai ti mung shanhte gaw hpa langai mi mung n tsun ma ai.

LUKA 6:8

Shi chyawm gaw shanhte a myit hpe chye ya wu ai rai nna, lata katsing si ai wa hpe, “Rawt nna nang de pru tsap rit,” ngu wu ai. Dai wa mung rawt nna shawng de sa tsap nga ai.

YAWHAN 9:4

Shani ninghtoi naw rai nga dingsa gaw, ngai hpe shangun dat ai wa a magam amu hpe anhte gun hpai nga lu na rai nga ai. Kadai mung amu n gun n hpai lu ai shana ahkying du na ra ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

HPILIPI 1:14

Dai hta kaga, ngai bawng dung ai a marang e hpu nau ni malawng maga gaw dai Madu hta makam masham myit nden grau nna rawt wa ai hte Karai Kasang a mungga hpe n hkrit n kang ai sha tsun dan na, grau nna gwi wa ma ai.

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.