MARKU 3:28 - Jinghpaw Common Language Bible 2009

²⁸ Ngai nanhte hpe teng teng tsun made ga, shinggyim masha ni a yubak mara yawng hte hte, shanhte tsun shut ai n hkru n kaja ai ga mahkra a matu, mara raw dat kau ya lu nga ai.

Jinghpaw Hanson Version Bible

²⁸ Ngai nanhte hpe teng teng tsun made ga, Shinggyim masha ni a yubak yawng hte hte, shanhte a shatan nhkan ai ga amyu myu hpe, raw dat kau na ahkang lu ma ai:

MARKU 3:28 ပူးပေါင်းရင်းမြစ်များ

JAW JAU 24:16

Israela masha ni hpe tsun u. Israela amyu masha mi rai ti mung, Israela mung hta nga ai maigan masha rai ti mung dai Madu hpe matsa ai wa kadai mung shawa hpung ting e nlung hte kabai sat kau ai hkrum na rai wu ai.

MAHTE 9:3

Dai rai nna tara sara nkau mi gaw, “Ndai wa Karai Kasang hpe shatan nhkan ai ga tsun nga ai,” nga nna tinang a kraw kata e tsun ma ai.

LUKA 12:10

“Dai Masha Kasha hpe n gup aga hte shut kau ai wa kadai hpe mung mara raw dat ya lu nga ai. Rai ti mung, dai Chyoi Pra ai Wenyi hpe n hkru n kaja ai ga hte tsun shatan ai wa kadai hpe mung mara raw kau ya lu na n rai.

1 YAWHAN 5:16

Na a kahpu kanau wa langai ngai n si ging ai yubak langai ngai galaw nga ai hpe nang mu hkrup n yang gaw, nang gaw shi a matu mara Karai Kasang kaw akyu hpyi ya mai nga ai. Karai Kasang gaw shi hpe htani htana asak jaw na wu ai. Dai gaw si ging ai yubak mara n galaw ai ni a matu chyu sha hpyi ya na hku rai nga ai. Rai ti mung si ging ai yubak mara ngu ai nga ai rai nna, de a matu Karai Kasang kaw nang hpyi nem mai ai lam ngai n tsun nngai.