MARKU 3:27 - Jinghpaw Common Language Bible 2009

²⁷ “N-gun ja ai wa hpe shawng n gyit hkang da ai sha shi a nta de shang nna shi a arai ni hpe n kashun la lu ai; shi hpe gyit hkang da ngut jang she shi a nta hpe hpya la lu na rai nga ai.

Jinghpaw Hanson Version Bible

²⁷ Dai hta kaga n-gun ja ai wa hpe garai n gyit yang, shi a nta hta shang nna, shi a arai hpe hpya la na, kadai mung n galaw lu ai; shi hpe gyit ngut jang she, shi a nta hpe hpya la na ru ai.

MARKU 3:27 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 53:12

Dai rai nna, ngai gaw shi hpe galu kaba nna daru magam n-gun rawng ai ni a lapran e arawng sadang shara langai jaw na we ai. Shi gaw sharawng awng ai myit hte shi a asak jaw nna n hkru ai masha ni a hpang jahtum na lam hpe mung garan ya nga ai. Shi gaw yubak kap ai masha law law ni a yubak hpe gun kau ya nna shanhte mara raw dat ai hkrum mu ga, akyu hpyi ya nga sai,” ngu nna tsun ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

MAHTE 12:29

“N-gun ja ai wa hpe shawng n gyit kau yang gaw, shi a arai kashun la na, n-gun ja ai wa a nta nhku de kadai shang lu na rai ta? Shi hpe Shawng gyit da yang she shi a nta hpe hpya la lu na rai nga ai.

YAWHAN 12:31

Ndai mungkan ga gaw, ya jang pyi tara jeyang ai hkrum, nga sai. Ya ndai mungkan up ai Duwa gaw shinggan de kabai kau ai hkrum na rai sai.

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

KOLOSE 2:15

Dai wudang ntsa e Hkristu gaw lamu hte aga ntsa na n-gun atsam rawng ai ni hte ahkang aya lu ai yawng hte hpe htawk jahkrat yeng seng kau nhtawm, shanhte hpe bawng masha shatai kau nna padang dip yan hkawm ai a hpang e hkan nang shangun ai hte shawa masha ni e jawm yu ai masha ni shatai kau nu ai.

HEBRE 2:14

Kasha ni ngu nna shi shanhte hpe shamying wu ai hte maren, asai ashan dagraw ai masha ni rai nga ma ai. Yesu shi hkum nan mung shanhte zawn asai ashan dagraw ai shinggyim masha hkum hkrang rau rum hkam la wu ai. Shing rai hkam la ai lam gaw si hkrung si htan hpe up ai nat wa a atsam hpe jahten shabyak kau na matu rai nga ai.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.

1 YAWHAN 4:4

Shu sha ni e, nanhte gaw Karai Kasang hte seng ai ni rai nga myit dai rai nna, dai myihtoi masu ni hpe dang kau manu ai. Hpa majaw nga yang, nanhte hta e rawng nga ai Wenyi gaw mungkan ga hte seng ai ni hta rawng nga ai wenyi hta grau n-gun atsam kaba nga ai.