MARKU 3:20 - Jinghpaw Common Language Bible 2009

²⁰ Dai hpang Yesu gaw nta de wa ai. Shawa masha wunawng kaba langai mi bai sa zuphpawng nga ma ai majaw Yesu hte sape ni shat sha na aten pyi n lu da mu ai.

Jinghpaw Hanson Version Bible

²⁰ Dai hpang, shi nta hta e shang wa ai rai nna, shanhte shat pyi n sha lu hkra, shawa masha ni bai zuphpawng nga ma ai.

MARKU 3:20 ပူးပေါင်းရင်းမြစ်များ

MARKU 1:45

Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

MARKU 2:1

Ya nhtoi tawng marang mi na wa ai hpang, Yesu gaw Kaperna-um mare de bai du wa ai. Shi nta e nga nga ai lam shiga masha ni na shajang ma ai.

MARKU 3:19

Yesu hpe ap kau na Yuda Iskarut hte rai ma ai.

MARKU 3:7

Yesu hte shi a sape ni Galile de htawt mat wa ma ai: Galile mung hte Yuda mung na masha wunawng kaba langai mi mung shi kaw hkan nang ma ai;

MARKU 3:9

Shawa masha ni grai law nga ma ai rai nna Yesu gaw shi hpe n ahtu hkra mu ga nga, sape ni hpe shi a matu li kaji langai mi san shajin tawn da ya na hkang da wu ai.

MARKU 6:31

Shawa masha ni law law sa sa wa wa rai nga ma ai majaw Yesu hte shi a sape ni shat sha na aten pyi n lu da mu ai. Dai rai nna shi gaw shanhte hpe, “Anhte nan shim ai shara langai ngai de pru wa saga, dai yang e anhte hkrai rai na rai nna nanhte loi mi hkring sa la lu na rai nga ai,” ngu nna tsun mu ai.

MARKU 7:17

Yesu gaw shawa masha ni hte hka nna nta de shang wa yang shi a sape ni, dai ga shadawn lachyum hpa re ai lam san ma ai,

MARKU 9:28

Yesu nta nhku de bai shang wa yang, shi a sape ni gaw, “Anhte hpa rai nat hpe n shaden kau lu ga ta?,” ngu nna mayun san yu mu ai.

LUKA 6:17

Kasa ni hte rau bum ntsa kaw na yu wa nna, layang e shi a sape hpung kaba hte rau tsap nga ai shaloi, Yuda mung ting hte Yerusalem mare na mung, nammukdara makau na Turu hte Sidon kaw na mung, masha wunawng wuwa kaba sa hpawng nga ma ai.