MARKU 3:11 - Jinghpaw Common Language Bible 2009

¹¹ N seng ai nat kap ni masha ni Yesu hpe mu shagu, shi a man e dingnyawm dagup nna, “Nang gaw Karai Kasang a Kasha rai nga ndai!,” nga nna kyek jahtau ma ai.

Jinghpaw Hanson Version Bible

¹¹ N seng ai nat ni mung shi hpe mu jang, shi a man e dagup nna, “Nang gaw Karai Kasang a Kasha rai nga ndai,” nga nna jahtau ma ai.

MARKU 3:11 ပူးပေါင်းရင်းမြစ်များ

MAHTE 14:33

Dai shaloi li kata e nga ai sape ni mahtang shi hpe nawku nna, “Nang gaw Karai Kasang a Kasha kaja wa teng teng rai nga ndai,” ngu mu ai.

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

MAHTE 4:6

“Nang Karai Kasang a Kasha rai n yang gaw, na hkum nan le de jahkrat dat u: hpa majaw nga yang, ‘Karai Kasang gaw, na a matu shi a lamu kasa ni hpe shi hkang da nu ai rai nna, shanhte gaw na a lagaw nlung hta n ahtu u ga, shanhte a lata ni hte nang hpe pawn la na mara ai nga nna ka da nga ai,’” ngu nna shi hpe tsun wu ai.

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

MAHTE 8:31

Dai rai nna, nat ni Yesu hpe hpyi nem ma ai gaw, “Nang anhte hpe shaden kau na rai n-yang gaw, dai wa wunawng hta anhte hpe shang shangun mi,” ngu ma ai.

MARKU 1:1

Ndai gaw Karai Kasang a Kasha Yesu Hkristu a lam Kabu Gara Shiga rai nga ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

KASA 16:17

Dai shangun ma numsha gaw Pawlu hte anhte a hpang hkan nang nna, “Ndai ni gaw law, Tsaw Htum ai Wa a shangun ma ni rai nna nanhte kaning rai hkye hkrang la hkrum na lam tsun shana dan ai ni rai nga ma ai law!” nga nna jahtau htau re ai.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

YAKU 2:19

Karai Kasang langai sha nga ai hpe nang kam n ni? Rai sa, mai kaja nga ai! Nat ni mung kam sham nga nna hkrit gari nga ma ai.